JOHANE 6:57 - Biblia Ilagho Jiboie Kwa Wandu Wose

⁵⁷ Sa iji koni Aba uko moyo orenidumieghe, nani nakaia moyo kwa wundu ghwa Aba, huwo koni uo unijagha ini uchakaia moyo kwa wundu ghwapo wori.

JOHANE 6:57 Խաչաձեւ Հղումներ

ZABURI 18:46

BWANA oko moyo; mlindiri wapo ndekaso. Uo Mlungu Mkiri wapo ndekumo.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

JOHANE 14:19

Kwa ngelo vui wurumwengu ndeghuchaaniwona sena, ela inyo mchaniwona, na kwa kukaia neko moyo, inyo wori mchakaia moyo.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 5:26

Sa iji koni uja Aba uko na irangi andenyi kwake, wokoni wamnekie Mwana kukaia na irangi andenyi kwake.

JOHANE 6:29

Jesu ukawitumbulia, “Kazi ya Mlungu niyo ihi: inyo kumrumiria uo oremdumieghe.”

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

1 WAKORINTHO 15:22

na sa iji koni andenyi ya Adamu wandu wose wifwagha, huwo koni wandu wose wichakaishwa moyo andenyi ya Kristo;

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

2 WAKORINTHO 13:4

Angu oresulubishiroghe kwa wunyonge, ela waawuyakaia moyo kwa ndighi ra Mlungu. Isi wori deko wanyonge andenyi kwake, ela iji dakabonya kazi konyu dichakaia moyo andwamweri nao kwa ndighi ra Mlungu.

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 JOHANE 4:9

Kwa chia ihi, lukundo lwa Mlungu lorewonekieghe worinyi aghadi kodu; kukaia, Mlungu oremdumieghe Mwana wake wa ititi wurumwengunyi, eri dipate kukaia moyo kwa chia yake uo.