JOHANE 5:30 - Biblia Ilagho Jiboie Kwa Wandu Wose

³⁰ “Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

JOHANE 5:30 Խաչաձեւ Հղումներ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ISAYA 28:6

na roho ya hachi kwake uo utanyagha, na ndighi kwa walindiri wilindiagha mbenge ya muzi isewado ni wandu wa wuda.

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

JOHANE 14:10

Welee, ndekurumirie angu ini neko andenyi kwa Aba, na Aba oko andenyi kwapo? Malagho ghose nawuyamghoria siwueghora kwa nguma yapo anduangi, ela uja Aba uko andenyi kwapo, nuo wawuyabonya kazi rake.

JOHANE 17:4

Nakukasa oho aha ndoenyi, naimeria ija kazi koreninekieghe niibonye.

JOHANE 18:11

Jesu ukamzera Petro, “Wunja lufu lwako kiwonyi kwaro. Welee, kuamanya icho kikombe Aba uninekie sichinywagha?”

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

JOHANE 5:19

Nao Jesu ukawizera, “Namghoria loli, Mwana ndedimagha kubonya ilagho jingi uo moni anduangi, ela wadabonya karakara na agho ughiwonagha kwa Ndee. Angu agho ughibonyagha uja Aba, nigho gheni na Mwana ughibonyagha wokoni.

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

JOHANE 8:28

Niko ukawizera, “Iji mwamjosa Mwana wa Mdamu, aho niko mchaamanya angu ‘Ini Nuo Moni;’ nenyo mchamanya angu sibonyagha ilagho jingi kwa nguma rapo ini moni, ela nadaghora agho gheni nerefundishiroghe ni Aba.

JOHANE 8:42

Jesu ukawizera, “Ngera loli Mlungu odeeka ndeyo, kumangu mwanikunda ini; angu nerefumieghe kwa Mlungu ngacha aha, nani serechieghe kwa nguma rapo ini moni anduangi, ela uo nuo orenidumieghe.

JOHANE 8:50

Ini siwuekulolia wubaa anduangi, ela koko Umu ughulolagha, nao uchakaia mtanyi.

WAROMA 15:3

Angu Kristo nderekuboieghe uo moni, ela sa iji koni iandikilo, “Masholio ghose werekusholieghe oho, ghanipatire ini.”

WAROMA 2:2

Isi daichi kukaia kutanya kwa hachi kwa Mlungu ni aighu ya awo wibonyagha maza sa iro.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.