JOHANE 5:24 - Biblia Ilagho Jiboie Kwa Wandu Wose

²⁴ “Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

JOHANE 5:24 Խաչաձեւ Հղումներ

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

MARKO 16:16

Uo urumiriagha na kubaputizwa, achaakia; ela uo userumiriagha anduangi uchatanywa utote.

JOHANE 11:26

na uo ose uko moyo, na kunirumiria ini, na jingi ndechaafwa anduangi. Welee, kwarumiria agho?”

JOHANE 12:44

Nao Jesu ukaghora kwa lwaka lubaa, “Mndungi ukanirumiria ini, ndenirumiriagha ini tu, ela wamrumiria uo orenidumieghe.

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 3:18

“Uo umrumiriagha Mwana ndetanywagha anduangi; ela uo userumiriagha wameria kutanywa, kwa kukaia ndeurumirie kwa Mwana wa ititi wa Mlungu anduangi.

JOHANE 3:36

Uo umrumiriagha Mwana oko na irangi ja kala na kala, ela uo usemsikiragha Mwana, ndechaapata irangi anduangi, ela machu gha Mlungu ghiadua aighu kwake.

JOHANE 4:36

Uo ukuwidagha wadalipwa ifungu jake, nao wadakuwida viro kwa wundu ghwa irangi ja kala na kala; huwo uo uwagha, na uo ukuwidagha, wiaboilwa chia imweri.

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

JOHANE 6:47

Namghoria loli, uo urumiriagha, oko na irangi ja kala na kala.

JOHANE 6:50

Ughu nigho mkate ghuseagha kufuma mlungunyi, ugho mundu ukaghuja usechaafwa anduangi.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

JOHANE 6:58

Ughu nigho mkate ghoreserieghe kufuma mlungunyi, si sa ghuja weke wawa wenyu werejieghe wikafwa; ela uhu ujagha mkate ughu uchadua moyo kwa kala na kala.”

JOHANE 8:51

Namghoria loli, uo usikiragha mafundisho ghapo ndechaafwa anduangi.”

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

1 WATHESALONIKE 5:9

Angu Mlungu nderediwikieghe wei dichetota kwa machu ghake anduangi, ela orediwikieghe dipate kukia kwa chia ya Bwana odu Jesu Kristo;

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

1 JOHANE 3:14

Isi damanya angu damerie kufuma kifonyi na kungia iranginyi, kwa kukaia dawikunde awo wanidu. Uo ose usewadie lukundo, wadakaia kifonyi.

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.