JOHANE 5:21 - Biblia Ilagho Jiboie Kwa Wandu Wose

²¹ Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 5:21 Խաչաձեւ Հղումներ

1 WAZURI 17:21

Ukakughorua aighu ya uja mwana mando adadu ukimkemia Bwana na kughamba, “Ee BWANA Mlungu wapo, mmbunjire u mwana roho yake.”

2 WAZURI 5:7

Mzuri wa Israeli uendashoma iyo barua, ukarashua nguwo rake ukikambwa ni chongo na kughamba, “Kwani ini neeka Mlungu nidimagha kubwagha na kukaisha moyo, hata umundu unidumie mundu wake wei nim'boise wukongo ghwake ghwa sima? Zighanenyi mmbone kukaia umundu waawuyanilola zua.”

JOHANE 11:25

Jesu ukamzera, “Ini nuo uko kuruka na irangi. Uo unirumiriagha ini, hata ngera wafwa, uchakaia moyo;

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 6:63

Uja Roho nuo unekagha irangi, ela mumbi ndeghudimagha ilagho jingi anduangi. Malagho namghoria ni Roho na irangi.

MABONYO GHA WADUMI 26:8

Kwaki iririkanywagha wei ni ilagho jisedimikagha Mlungu kurukisha wafu?

WAROMA 8:11

Ikakaia Roho wa Mlungu uo oremrukishireghe Jesu kufuma kwa wafu wakaiagha andenyi konyu, uo Mlungu oremrukishireghe Kristo kufuma kwa wafu, uchaikaisha moyo mimbi yenyu ifwagha kwa chia ya Roho wake uo ukaiagha andenyi konyu.

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.