JOHANE 5:19 - Biblia Ilagho Jiboie Kwa Wandu Wose

¹⁹ Nao Jesu ukawizera, “Namghoria loli, Mwana ndedimagha kubonya ilagho jingi uo moni anduangi, ela wadabonya karakara na agho ughiwonagha kwa Ndee. Angu agho ughibonyagha uja Aba, nigho gheni na Mwana ughibonyagha wokoni.

JOHANE 5:19 Խաչաձեւ Հղումներ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

KUZOYA 1:26

Niko Mlungu ukaghamba, “Ndedim'bonye mdamu kwa fwana yedu cheni, ufwanane na isi, wipate kukaia na nguma aighu ya samaki ra baharinyi na aighu ya nyonyi ra mbeonyi; aighu ya mfugho rose, na aighu ya ndoenyi kose putu, na kula shimandu iavuagha andoenyi.”

ZABURI 138:3

Ituku nerekuwangieghe, korenitumbulieghe; kukanichuria ndighi ra kiroho.

ZABURI 27:14

Mrumirie BWANA; kukufungishe ndighi hata kusefo ngolo; hee, mrumirie BWANA.

ZABURI 50:6

Mlungunyi kwaeresha kukaia Mlungu ni mhachi nao moni nuo mtanyi.

KUFUMA 4:11

BWANA ukamzera, “Nani ubonyere momu ghwa mdamu? Nani um'bonyagha ukaie kituri angu usesikiragha, angu uwonagha, angu kitungure? Welee, si ini moni BWANA anguwada?

MAKATANISHO 2:6

BWANA nuo unekagha hikima; kumanya na kutambukilwa kwadafuma kwake.

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

LUKA 21:15

angu ini nichamneka malagho na hikima, hata mndungi usechaadima kumtangala anduangi.

JOHANE 10:18

Ndekuwadie mndungi unisokagha irangi japo, ela niajifunya kwa kukunda kwapo ini moni. Neko nandighi rejifunya, sena neko nandighi rejiwusa. Huwo niko nerelaghiriloghe ni Aba.”

JOHANE 12:49

Angu sereghorieghe kwa nguma rapo reni anduangi, ela Aba orenidumieghe nuo oreninekieghe momu, nidede ghiao, na nighore ghiao.

JOHANE 12:50

Nani namanya angu momu ghwake ni irangi ja kala na kala. Kwa huwu agho nighighoragha ni agho gheni Aba orenilaghirieghe.”

JOHANE 14:10

Welee, ndekurumirie angu ini neko andenyi kwa Aba, na Aba oko andenyi kwapo? Malagho ghose nawuyamghoria siwueghora kwa nguma yapo anduangi, ela uja Aba uko andenyi kwapo, nuo wawuyabonya kazi rake.

JOHANE 2:19

Jesu ukawizera, “Inonenyi Hekalu ihi, nani nichaiagha kwa matuku adadu.”

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

JOHANE 8:28

Niko ukawizera, “Iji mwamjosa Mwana wa Mdamu, aho niko mchaamanya angu ‘Ini Nuo Moni;’ nenyo mchamanya angu sibonyagha ilagho jingi kwa nguma rapo ini moni, ela nadaghora agho gheni nerefundishiroghe ni Aba.

JOHANE 9:4

Ni suti dibonye kazi rake Uo orenidumieghe ndoe iko dime, angu kio chichacha, mndungi usechaadima kubonya kazi anduangi.

MABONYO GHA WADUMI 2:24

Ela Mlungu oremrukishireghe kufuma kwa wafu, ukamuinja luwawo lwa kifwa, angu ndeeredimikieghe chimmazire anduangi.

WAROMA 6:4

Kwa huwo darikilo andwamweri nao kwa chia ya wubaputizo, na kukaia ngara nao andenyi ya kifwa chake; eri sa iji koni Kristo orerukishiroghe kufuma kwa wafu, kwa wubaa ghwa uja Aba, nesi wori dighende kwa wuwishi ghwa irangi.

WAROMA 8:11

Ikakaia Roho wa Mlungu uo oremrukishireghe Jesu kufuma kwa wafu wakaiagha andenyi konyu, uo Mlungu oremrukishireghe Kristo kufuma kwa wafu, uchaikaisha moyo mimbi yenyu ifwagha kwa chia ya Roho wake uo ukaiagha andenyi konyu.

1 WAKORINTHO 15:12

Idana ikakaia Kristo wawuyachilwa kukaia warukishiro kufuma kwa wafu, yakaia wada wamu wenyu wighambeghe wei kuruka kwa wafu kungi ndekuko?

2 WAKORINTHO 4:14

dikimanya angu uo oremrukishireghe Bwana Jesu, uchadirukisha isi wori andwamweri na Jesu, na kudireda imbiri kwake andwamweri nenyo.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

WAEFESO 3:16

ngimlomba umneke mundu onyu wa ndenyi ndighi ra Roho wake, karakara na wungi ghwa mali ra wubaa ghwake;

WAFILIPI 3:21

uo uchaaighalusa mimbi edu ya wunyonge ifwanane na mumbi ghwake ghwa wubaa, kwa iro ndighi rimdimishagha kuvibonya vilambo vose vikaie aisi kwake.

WAFILIPI 4:13

Nadima kubonya maza rose kwa uo unidimishagha.

WAKOLOSAI 1:11

Mfungisho ndighi kwa kudima kose, karakara nandighi rake ra wubaa, eri mpate kurumaghia kose na wumboa mkiboilwa.

WAKOLOSAI 1:16

Angu andenyi kwake uo, vilambo vose vereumbiloghe; va mlungunyi na va ndoenyi, ivo viwonekagha na ivo visewonekagha; ngera ni awo wibonyagha nguma, angu wazuri, angu wubaa, angu kudima; vilambo vose vereumbiloghe kwa chia yake na kwa wundu ghwake.

1 WATHESALONIKE 4:14

Kwa kukaia isi darumirie kukaia Jesu orefueghe na kuruka sena, huwo koni Mlungu uchawireda andwamweri na Jesu awo werefueghe wikirumiria kwake.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.