JOHANE 4:24 - Biblia Ilagho Jiboie Kwa Wandu Wose

²⁴ Mlungu ni Roho, na watasi wa loli wichadimishwa kumtasa loli ni Roho wake.”

JOHANE 4:24 Խաչաձեւ Հղումներ

ZABURI 145:18

BWANA oko kaavui na wose wimmbangiagha, awo wose wimmbangiagha kwa loli.

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

ZABURI 51:17

Vizongona virumirilwagha ni Mlungu, ni roho ikuserie; ndekuchaaimenya ngolo ikuserie, iheagha ee Mlungu.

ZABURI 66:18

Ngera nedeghesha kiwiwi chingi ngolonyi, BWANA nderenisikiragha anduangi.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

JOHANE 4:23

Ela ngelo iacha, hata idana eko aeni, watasi wa loli wichamtasa uja Aba loli, kwa ndighi ra Roho; angu Aba wadawilola wandu wifwane huwo wipate kumtasa.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 3:17

Na Bwana nuo Roho, na andu Roho wa Bwana uko, ghoko wuhuru.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”