JOHANE 4:22 - Biblia Ilagho Jiboie Kwa Wandu Wose

²² Inyo Wasamaria mwadatasa uo msemmanyagha, ela isi damwichi uo dimtasagha, angu kukia kwafuma kwa Wayahudi.

JOHANE 4:22 Խաչաձեւ Հղումներ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

EZRA 4:2

wikamchea Zerubabeli na wabaa wa kichuku chawo wikawizera, “Ndediaghe Hekalu diwose; angu dadamtasa Mlungu onyu seji koni mumtasagha, nesi dadamfunyira vizongona kwake toe kufuma ngelo ra Esarhadoni mzuri wa Ashuri uo orediredieghe aha.”

ZABURI 147:19

Wadaghora ilagho jake kwa Jakobo, sharia na mafundisho ghake kwa wandu wa Israeli.

ZABURI 68:20

Mlungu odu, ni Mlungu ukiragha, na MLUNGU, uo Bwana, wadadikira na kifwa.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

MABONYO GHA WADUMI 17:23

Angu iji nerekoghe ngiida, na kuzighana andu konyu kotasira, nerewonieghe madhabahu iandikilo, ‘KWA UO MLUNGU USEMANYIKAGHA.’ Kwa huwu uo mwawuyamtasa msemmanyagha, nuo moni nawuyamchilia.

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”

WAROMA 11:18

kusekukase aighu ya mbashu. Kukakukasa, manya oho suo ungi kwawuyachimazira kirimba ela kirimba nicho chawuyakumazira oho.

WAEBRANIA 7:14

Ni worinyi kukaia Bwana odu orekoghe wa kivalwa cha Juda, na Musa jingi ndeghora ilagho jingi ja wukohani aighu ya mbari iyo anduangi.