JOHANE 4:21 - Biblia Ilagho Jiboie Kwa Wandu Wose

²¹ Jesu ukamzera, “Muka, nirumirie; ngelo iacha wandu wisechaamtasa uja Aba aighu ya mghondi ughu, hata andenyi ya Jerusalemu wori.

JOHANE 4:21 Խաչաձեւ Հղումներ

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

EZEKIELI 14:3

“Mwana wa mdamu, awa wandu wangirie milimu yawo ngolonyi kwawo, nayo yaawuyawikuwisha wingie kaung'enyi. Welee wiaghesha nadima kuwisigha wiloleghe malagho kwapo?

EZEKIELI 20:3

“Mwana wa mdamu, ghora na wabaa wa Israeli kuwizere, Bwana MLUNGU waghamba huwu: Welee, mwaacha kulola njama kwapo? Ola sa iji nikaiagha moyo, sichaamneka wulalo ghokotia njama kwapo. Ini Bwana MLUNGU naghamba.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 18:20

Angu wawi angu wadadu wikakwanyika kwa irina japo, na ini nichakaia ahoeni andwamweri nawo.”

MATHAYO 28:19

Idana ghendenyi m'bonye wandu wa mbari rose wikaie wanughi, mkiwibaputiza kwa irina ja Aba, na ja Mwana, na ja Roho Mweli;

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

JOHANE 16:32

Ngelo iacha, nayo yameria kuvika, inyo mmbose mchasaghiswa kula mundu ughende andu kwake; na ini nichasigharika niekeri. Ela siko niekeri anduangi, kwa kukaia Aba oko andwamweri nani.

JOHANE 4:23

Ela ngelo iacha, hata idana eko aeni, watasi wa loli wichamtasa uja Aba loli, kwa ndighi ra Roho; angu Aba wadawilola wandu wifwane huwo wipate kumtasa.

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

JOHANE 5:28

Msakeshinulwa ni maza iri angu ngelo iacha, wafu wose wiko kaburinyi wichalusikira lwaka lwake;

MABONYO GHA WADUMI 6:14

Angu damsikire ukighora wei uo Jesu wa Nazareti uchakutotesha Andu aha na kuighalusa mizango derenekeloghe ni Musa.”

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAEFESO 3:14

Kwa wundu ughu, namdungia ngokoro uja Aba,

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

WUFUNUO 21:22

Nani serewonieghe hekalu ingi andenyi ya ugho muzi, angu hekalu yaro ni Bwana Mlungu Uo Uwadie Ndighi Rose na uo Mwana wa Ng'ondi.