14 ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”
ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.
BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.
Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.
Elaima, ndoria ra machi angu chombo cha wongo chiwadie machi vichakaia vielie, ela vilambo ivo vose vichaadadana na gharia ra iro shimandu, vichakaia viseelie.
Uo ukuwidagha wadalipwa ifungu jake, nao wadakuwida viro kwa wundu ghwa irangi ja kala na kala; huwo uo uwagha, na uo ukuwidagha, wiaboilwa chia imweri.
Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”
Ughu nigho mkate ghoreserieghe kufuma mlungunyi, si sa ghuja weke wawa wenyu werejieghe wikafwa; ela uhu ujagha mkate ughu uchadua moyo kwa kala na kala.”
eri sa iji koni kaung'a erebonyereghe nguma andenyi ya kifwa, mvono nagho ghubonye nguma kwa chia ya hachi, kuvikia irangi ja kala na kala kwa chia ya Jesu Kristo Bwana odu.
Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.
Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.
Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”