JOHANE 3:29 - Biblia Ilagho Jiboie Kwa Wandu Wose

²⁹ Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

JOHANE 3:29 Խաչաձեւ Հղումներ

LUMBO 3:11

Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

HOSEA 2:19

“Israeli, nichakuwusa kukaie mkapo; nichakaia mhachi na mloli kwako; nichakuwonyera wughoma na lukundo lukatie na kukubonya kukaie wapo kwa kala.

MATHAYO 22:2

“Wuzuri ghwa mlungunyi ghwafanana na mzuri umu orem'bonyereghe mwana wake karamu ya arusi;

MATHAYO 25:1

“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.

MATHAYO 9:15

Jesu ukawitumbulia, “Welee, awa wiwangwagha arusinyi wadima kukaia na wasi iji bwana arusi ukwanye nawo? Hata! Ela ngelo bwana arusi wainjwa kwawo, ngelo iyo niko wichaafunga.

LUKA 15:6

Hata iji wavika mzinyi wadawiwanga waghenyi wake na wambao na kuwizera, ‘Boilonyi chiaimweri nani, angu nameria kuiwona ija ng'ondi erenilagharieghe.’

JOHANE 15:11

“Namghoria malagho agha, eri kuboilwa kwapo kukaie andenyi konyu, na kuboilwa konyu kukate.

JOHANE 16:24

Jingi ndemlombie kilambo chingi kwa irina japo. Lombenyi, nenyo mchapata; kuboilwa konyu kukate.

JOHANE 17:13

Idana niacha kwako; nani naghighora malagho agha wurumwengunyi, eri kuboilwa kwapo kukate kuchuo andenyi ngolonyi kwawo.

JOHANE 3:30

Ni suti uo uchurikie kukaia m'baa, na ini suti nipunguo.”

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WAFILIPI 2:2

katishenyi kuboilwa kwapo, kwa kukaia na nia imweri, muko na luja lukundo loni, na kuwadana putu; muko na maghesho ghamweri.

1 JOHANE 1:4

Na idana daandika agha, eri kuboilwa kodu kupate kukatia.

2 JOHANE 1:12

Hata ngera neko na malagho mengi ghemuandikia, sikundeghe nitumie karatasi na wino; ela nasuwiria kuchammbona, dipate kuja malagho wushu kwa wushu; eri kuboilwa kodu kukatie.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”