JOHANE 3:27 - Biblia Ilagho Jiboie Kwa Wandu Wose

²⁷ Johane ukawizera, “Mndungi ndedimagha kukaia na kilambo chingi ngera usenekelo ni Mlungu.

JOHANE 3:27 Խաչաձեւ Հղումներ

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

AMOSI 7:15

BWANA ooniwada ngilisha mfugho, nao ukanizera nichefunyira wandu wake Israeli wulodi.

MATHAYO 25:15

kula umu kunughana na wudumiki ghwake; umu ukamneka pesa riwangwagha talanto isanu, umu ukamneka iwi na mzima ukamneka imweri. Ukafuma ukadamba charo chake.

JEREMIA 17:16

Jingi sikushingirie kuwiredie mawiwi, hata serekundieghe ijo ituku ja mawiwi; oho kwamanya. Ijo nidedie jeko worinyi imbiri kwako.

JEREMIA 1:5

“Nerekumanyireghe imbiri nisekuumbie kifunyi, na imbiri kusevalo, nerekusaghueghe; nerekuwikieghe kukaie mlodi wa iro mbari ra wandu.”

MITALO 17:5

Na mzata ghwa mundu nimsaghuagha, ghuchabusa malemba. Kwa chia iyo, nichanyamirisha mazughunuko gha wandu wa Israeli wawuyamzughunukia.”

1 TIMOTHEO 2:7

Kwa wundu ghwa ijo, ini nerewikiloghe nikaie mchili na mdumi, (Naghora loli sighoragha tee anduangi), mwalimu wa iro mbari zima, kwa irumirio na loli.

MATHAYO 21:25

Welee, nguma ya Johane ebaputiza erefumieghe hao? Edefuma mlungunyi angu kwa wadamu?” Nao wikatumbuliana weni na weni, “Dikaghamba, ‘Kufuma mlungunyi’, uchadizera ‘Kwaki sena mseremrumirieghe?’

WAROMA 12:6

Nesi dikikaia na manosi ghisefwanane, karakara na ugho mvono dinekelo, ndedighitumie; ngera ni wulodi, dibonye karakara na irumirio jedu;

MARKO 13:34

Ni sa mundu wawuyadamba charonyi, nao ukighusigha muzi ghwake, ukawineka wadumiki wake kazi ra ugho muzi, kula mundu na kazi yake; ukamzera mlindiri wa mnyango uchereshe.

WAEFESO 1:1

Ini Paulo, mdumi wa Kristo Jesu kwa lukundo lwa Mlungu; namuandikia inyo waeli wa loli wiko andenyi ya Kristo Jesu aho Efeso.

WAGALATIA 1:1

Ini Paulo, mdumi usedumilo ni wandu, hata kudumwa kwa chia ya mdamu, ela kwa chia ya Jesu Kristo, na Mlungu Aba uo oremrukishireghe kufuma kwa wafu;

1 WAKORINTHO 12:11

Ela ni uja Roho moni umweri ubonyagha agha ghose; ukimmbaghia kula mundu inosi wuzima wuzima seji uo Roho ukundagha moni.

1 WAKORINTHO 3:5

Apolo nani? Na Paulo nani? Nechi isi de wadumiki, dimteserie mkarumiria, karakara na seji kula mundu unekelo ni Bwana.

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

1 WAKORINTHO 1:1

Ini Paulo, niwangilo kwa lukundo lwa Mlungu nikaie mdumi wa Kristo Jesu, na mwanidu Sothesene;

JOHANE 6:65

Nao ukaghamba, “Niko neremghorieghe angu mndungi ndedimagha kucha kwapo ngera userudilo ni uja Aba.”

JOHANE 10:41

Na wandu wengi wikamchea wikighamba, “Johane nderebonyereghe alama ingi, ela malagho ghose oreghighorieghe Johane aighu ya mundu uhu ni gha loli.”