JOHANE 3:21 - Biblia Ilagho Jiboie Kwa Wandu Wose

²¹ Ela uo ose ubonyagha maza ra loli, wadacha mwengerenyi, mabonyo ghake ghipate kuwoneka mwengerenyi seji ghabonywa kwa kumsikira Mlungu.”

JOHANE 3:21 Խաչաձեւ Հղումներ

ZABURI 119:105

Ilagho jako ni taa enighenja, na mwengere chienyi kwapo.

ZABURI 119:80

Kunibonye niiwadie memu yako putu, nisechefushwa waya.

ISAYA 26:12

Kuchaiwika sere ndoenyi kwa wundu ghodu ee BWANA, oho kwamerie kudiboisira kazi redu.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

JOHANE 3:20

Angu kula umu ubonyagha maza rizamie, wadazamilwa ni mwengere, nao ndechagha mwengerenyi anduangi, mabonyo ghake ghizamie ghichewoneka.

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WAGALATIA 6:8

Mundu ukawa kwa bea ra mumbi ghwake, kufuma kwa mumbi uchakuwida kuwoa; ela uo uwagha kwa Roho, kufuma kwa Roho uchakuwida irangi ja kala na kala.

WAEFESO 5:9

(angu itunda ja mwengere jawoneka andenyi ya icho chose chiko chiboie, na hachi, na loli);

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

WAKOLOSAI 1:29

Kwa wundu ughu, nabonya kazi ngifunga ndighi kwa uko kudima Kristo wawuyanidimisha andenyi kwapo.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 JOHANE 1:6

Dikaghamba wei deko na wungara nao, sena diaghenda kirenyi, diaghora tee; hata ndediwadie iyo loli andenyi kodu anduangi.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.

WUFUNUO 3:15

Narimanya kazi rako, kukaia ndekuko wa mbeo hata wa modo anduangi. Kumangu kwakaiagha wa mbeo angu wa modo.