JOHANE 3:13 - Biblia Ilagho Jiboie Kwa Wandu Wose

¹³ Ndekuwadie mndungi ujokie mlungunyi, ela Mwana wa Mdamu uo userie kufuma mlungunyi.

JOHANE 3:13 Խաչաձեւ Հղումներ

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 17:5

Idana Aba, nikase ini imbiri kwako, kwa ugho wubaa nerekoghe nagho imbiri ya kuumbwa wurumwengu.

JOHANE 3:12

Ikakaia namghoria maza ra ndoenyi, nenyo ndemrumiriagha, mcharumiria wada ngamghoria maza ra mlungunyi?

JOHANE 3:31

Uo uchagha kufuma aighu ni m'baa kuchumba wose, uo ufumagha ndoenyi ni wa ndoenyi, nao wadadeda ra ndoenyi; ela uo ufumagha mlungunyi oko aighu ya wose.

JOHANE 6:33

Angu mkate ugho Mlungu umnekagha, ni uo uchee kufuma mlungunyi kughuneka wurumwengu irangi.”

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

JOHANE 6:42

Wikaghamba, “Welee, uhu suo Jesu mwana wa Josefu, ndee na mae diwiichi? Yakaia wada uo kudizera waserie kufuma mlungunyi?”

JOHANE 6:46

Huwo si kughora wei mndungi wammbonie uja Aba anduangi, ela ni uo ufumie kwa Mlungu, nuo ummbonie uja Aba.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

JOHANE 6:62

Yakaiagha wada ngera modemmbona Mwana wa Mdamu ukijoka andu aja orekoghe koimbiri?

JOHANE 8:42

Jesu ukawizera, “Ngera loli Mlungu odeeka ndeyo, kumangu mwanikunda ini; angu nerefumieghe kwa Mlungu ngacha aha, nani serechieghe kwa nguma rapo ini moni anduangi, ela uo nuo orenidumieghe.

MABONYO GHA WADUMI 2:34

Angu Daudi nderejokieghe mlungunyi anduangi, ela uo moni waghamba, ‘Bwana oremzerieghe Bwana wapo, sea kidombo chia ya mkonu ghwapo ghwa kiwomi,

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

WAROMA 10:6

Ela hachi iko kwa chia ya irumirio yaghamba, Kusakeghamba ngolonyi kwako wei, “Nani ujokagha mlungunyi?” (huwo ni kumsera Kristo andoenyi)

1 WAKORINTHO 15:47

Uo mundu wa imbiri orefumieghe ndoenyi, ni mundu wa teri; mundu wa kawi odefuma mlungunyi.

WAEFESO 1:23

najo nijo mumbi ghwake, uko kuchua kwake uchuragha vose andenyi ya vose.

WUKUMBUSO 30:12

Ndeghiko mlungunyi hata mghambe, ‘Nani ujokagha mlungunyi wendediondia dipate kughisikira na kughibonya?’