JOHANE 2:23 - Biblia Ilagho Jiboie Kwa Wandu Wose

²³ Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe;

JOHANE 2:23 Խաչաձեւ Հղումներ

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

JOHANE 11:45

Kwa huwo Wayahudi wengi awo werechieghe kwa Maria, iji wawona agho oreghibonyereghe, wikamrumiria.

JOHANE 2:11

Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.

JOHANE 2:13

Ngelo ya Ndima ya Pasaka ya Wayahudi erekoghe yavika kaavui, na Jesu ukajoka Jerusalemu.

JOHANE 3:2

Ukamghendia Jesu nakio ukamzera, “Rabi, dakumanya angu ko mwalimu udumilo kufuma kwa Mlungu, angu ndekuwadie mndungi udimagha kubonya weke mwakilimbiti awa kuwibonyagha, isaakaia Mlungu oko andwamweri nao.”

JOHANE 4:45

Hata iji wameria kuvika Galilaya, wandu wa aja wikamkaribisha, angu iji werejokieghe Jerusalemu kwa Ndima ya Pasaka, wereriwonieghe maza rose oreribonyereghe aho.

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

JOHANE 6:2

Izungu ibaa ja wandu jikamnugha, angu werewonieghe weke mwakilimbiti orewibonyereghe kwa kuwiboisa awo werekoghe wakongo.

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

1 JOHANE 3:23

Na ughu nigho momu ghwake, kukaia, dimrumirie uo Mwana wake Jesu Kristo, na kukundana diweni na diweni sa iji koni Kristo oredilaghirieghe.