JOHANE 19:9 - Biblia Ilagho Jiboie Kwa Wandu Wose

⁹ Ukangia sena andenyi ya praetoriumu ukamkotia Jesu, “Welee, kwafuma hao?” Ela Jesu nderetumbulieghe ilagho jingi anduangi.

JOHANE 19:9 Խաչաձեւ Հղումներ

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 27:27

Nao masikari gha m'baa wa isanga wikammbwada Jesu na kumngira andenyi ya ngome iwangwagha Praetoriumu, na masikari ghose ghikamkwanyikia.

LUKA 23:9

Kwa huwo ukamkotia makoto malazi, ela Jesu nderemtumbulieghe anduangi.

JOHANE 18:28

Nao nakesho wikamfunya Jesu kwa Kayafa wikamghenja ngomenyi iwangwagha praetoriumu, nawo ndewerengirieghe andenyi ya praetoriumu wichelushwa, eri wipate kuija Pasaka.

JOHANE 18:33

Pilato ukawuya andenyi ya praetoriumu, ukammbanga Jesu ukamkotia, “Welee, oho ni Mzuri wa Wayahudi?”

JOHANE 18:34

Jesu ukamtumbulia, “Welee, kuakotia agho malagho kumoni, angu ni mndumu wakughoria malagho ghapo?”

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 19:10

Nao Pilato ukamzera, “Ndekunitumbuliagha? Ndekumanyire angu neko na nguma rekufungua, sena neko na nguma rekusulubisha?”

JOHANE 19:8

Nao iji Pilato wasikira malagho agho, ukachuria kuobua.

JOHANE 8:14

Jesu ukawitumbulia, “Hata ngera nakushuhudia nimoni, sena wushuhuda ghwapo ni ghwa loli, angu nakumanya andu nifumie, na andu nighendagha. Inyo ndemwichi andu nifumie hata andu nighendagha anduangi.

WAFILIPI 1:28

msewiobuagha watangali wenyu kwa ilagho jingi. Ihi ni alama kwawo iko worinyi iwonyeragha kutota kwawo, ela konyu ni kukia nako kuafuma kwa Mlungu.

WATANYI 13:6

Niko uja muka ukaghenda na kumghoria mumi wake, “Mundu wa Mlungu wacha kwapo, na kuwoneka kwake kodeeka sa kwa malaika wa Mlungu uoboshagha na ndighi. Simkotere ngera wafuma hao, nao ndenighorie irina jake;