JOHANE 17:23 - Biblia Ilagho Jiboie Kwa Wandu Wose

²³ Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

JOHANE 17:23 Խաչաձեւ Հղումներ

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 13:35

Mkakundana, wandu wose wichamanya angu inyo moko wanughi wapo.”

JOHANE 14:10

Welee, ndekurumirie angu ini neko andenyi kwa Aba, na Aba oko andenyi kwapo? Malagho ghose nawuyamghoria siwueghora kwa nguma yapo anduangi, ela uja Aba uko andenyi kwapo, nuo wawuyabonya kazi rake.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

JOHANE 15:9

Ini namkunda inyo sa iji Aba orenikundieghe. Kaienyi andenyi ya lukundo lwapo.

JOHANE 16:27

angu uo moni wamkunde inyo, kwa kukaia inyo mwanikunda ini, na kurumiria angu nerefumieghe kwa Aba.

JOHANE 17:11

Idana niacha kwako, siko sena wurumwengunyi; ela awo weko wurumwengunyi. Aba Mweli, wilindie kwa irina jako ijo koreninekieghe, wipate kukaia kindo chimweri sa iji isi diko umweri.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 17:8

kwa kukaia nawinekie ijo ilagho koreninekieghe, nawo wikajiwada na kumanya kwa loli angu nedefuma kwako; sena wikarumiria angu ni oho korenidumieghe.

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 6:56

Uo ujagha mumbi ghwapo na kuinywa bagha yapo, wadakaia andenyi kwapo na ini andenyi kwake.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAFILIPI 3:15

Na isi diwose dizoghue kiroho, ndediririkanye woruwo; na ikakaia kwa chia ingi muko na maririkanyo mazima, Mlungu uchamfunukuya ijo najo wori.

WAKOLOSAI 1:28

Uo dawuyamchila dikiwonyera, na kumfundisha kula mundu kwa hikima yose, eri dimrede kwa Mlungu kula mundu wameria kuzoghua andenyi ya Kristo.

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

WAKOLOSAI 3:14

Aighu ya agha ghose, mkaie na lukundo, ulo luwadanishagha maza rose chia imweri, na kurikatisha nicha.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

1 JOHANE 3:1

Wonenyi ni lukundo lufwane wada uja Aba udikunde nalo, hata dikadima dawangwa wana wa Mlungu; nesi niko koni diko. Ihi niyo sababu wurumwengu ghusewuedimanya, kwa kukaia ndeghoremmanyireghe Uo.

1 JOHANE 4:19

Deko na lukundo, angu Mlungu orezoeghe ukadikunda.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.