JOHANE 17:18 - Biblia Ilagho Jiboie Kwa Wandu Wose

¹⁸ Sa iji oho korenidumieghe wurumwengunyi, nani wokoni nawiduma awo wurumwengunyi;

JOHANE 17:18 Խաչաձեւ Հղումներ

MATHAYO 10:5

Awa ikumi na wawi Jesu ukawiduma ukiwilaghira, “Msakeghenda kwa wandu wa mbari zima, hata msakeghenda muzi ghungi ghwa Wasamaria.

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

JOHANE 17:25

Ee Aba wa hachi, wurumwengu ndeghukuichi oho, ela ini nakuichi, na awa waichi angu ni oho korenidumieghe.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 17:8

kwa kukaia nawinekie ijo ilagho koreninekieghe, nawo wikajiwada na kumanya kwa loli angu nedefuma kwako; sena wikarumiria angu ni oho korenidumieghe.

JOHANE 20:21

Jesu ukawizera sena, “Sere ndeikaie konyu. Sa iji koni Aba orenidumieghe ini, niko koni namduma inyo.”

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 4:38

Ini namduma mkuwide mvono kwa mbuwa msereridumikieghe. Wazima werebonyereghe kazi, na inyo mwangia kwa kazi rawo.”

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

WAEFESO 3:7

Ini nerebonyeroghe nikaie mdumiki wa ijo Ilagho Jiboie, karakara na ijo inosi ja mvono ghwa Mlungu nerenekeloghe kwa chia ya kubonya kazi kwa kudima kwake.