JOHANE 17:11 - Biblia Ilagho Jiboie Kwa Wandu Wose

¹¹ Idana niacha kwako, siko sena wurumwengunyi; ela awo weko wurumwengunyi. Aba Mweli, wilindie kwa irina jako ijo koreninekieghe, wipate kukaia kindo chimweri sa iji isi diko umweri.

JOHANE 17:11 Խաչաձեւ Հղումներ

ZABURI 79:9

Ditesie ee Mlungu Mkiri odu, kwa wundu ghwa wubaa ghwa irina jako; dikire na kudifuya wughoma kaung'a redu, kwa wundu ghwa irina jako.

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 27:3

“Ini BWANA, nuo mlindiri waro; nadaghudunga machi kula ngelo. Nadaghulindia kio na dime eri mndungi useghubonye ilagho jingi.

ISAYA 64:2

seji modo ghukoragha visachi, na kughibonya machi ghichemke, sea kubonye irina jako jimanyike kwa wamaiza wako, na iro mbari ra wandu risughusike imbiri kwako.

JEREMIA 14:21

Kwa wundu ghwa irina jako, kusakedimenya; kusakechisowia ishima kifumbi chako cha nguma, kumbuka ilaghano jako korebonyereghe nesi ee BWANA, kusakejichikanya.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

EZEKIELI 20:22

Ela nereghughirieghe mkonu ghwapo ghusebonye wuwiwi ghungi kwa wundu ghwa irina japo, eri jisechelushwa aghadi ya iro mbari ra wandu, iro ini nerekumanyishireghe nimoni kwa kuwifunya Israeli isanga ja Misri.

EZEKIELI 20:44

Nenyo mchamanya kukaia ini ne BWANA, ingelo nichaakaia ngim'bonyera agho kwa wundu gholindia ishima ja irina japo, kuseko na kumtalia iro chia renyu mbiwi, na mabonyo ghenyu ghizamie ee wandu wa Israeli. Ini Bwana MLUNGU naghamba.”

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MATHAYO 6:9

Idana mlombeghe sa huwu: ‘Aba odu kuko mlungunyi, Irina jako jikaso.

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 14:20

Ngelo iyo ikavika, mchamanya angu ini neko andenyi ya Aba, na inyo moko andenyi kwapo, na ini andenyi konyu.

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

JOHANE 17:25

Ee Aba wa hachi, wurumwengu ndeghukuichi oho, ela ini nakuichi, na awa waichi angu ni oho korenidumieghe.

JOHANE 17:6

“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

JOHANE 7:33

Niko Jesu ukaghamba, “Ini neko andwamweri nenyo kwa ngelo vui, nani nichaghenda kwa uo orenidumieghe.

MABONYO GHA WADUMI 3:21

Nao ni suti ukaie mlungunyi hata Mlungu waribonya maza rose rikaie mbishi sa iji koni oreghorieghe kokala kwa memu ya walodi wake wielie.

WAROMA 12:5

niko koni na isi; hata ngera deko wengi, ela de mumbi ghumweri andenyi ya Kristo, na via chimu chimu kula mundu na mmbao.

WAROMA 9:17

Angu Maandiko ghaghora huwu kwa Farao, “Nakuwikie kukaie m'baa, kwa wundu ghwa kuriwonyera ndighi rapo kwako; eri irina japo jieresho ndoenyi kose.”

1 WAKORINTHO 1:10

Namvoya wanidu kwa irina ja Bwana odu Jesu Kristo, msikirane; hata kusekaie kuwaghanyika kungi aghadi konyu, ela mmbwadane kwa nia imweri na njama imweri.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAEFESO 4:4

Mumbi ni ghumweri, na Roho ni umweri, sa iji koni morewangiloghe ni Mlungu kwa ijo isuwirio jimweri ja kuwangwa konyu.

WAFILIPI 2:9

Kwa huwu Mlungu wamjosere ighu na ndighi, ukamneka irina ibaa kuchumba marina ghose;

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

1 JOHANE 3:12

si sa Kaini uo orekoghe wa Uja Mmbiwi, hata ukam'bwagha mruna. Na kwaki orem'bwaghagha? Ni angu mabonyo ghake gherekoghe ghizamie, na gha mruna gherekoghe gha hachi.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.

JUDA 1:24

Idana kwa uo udimagha kumlindia inyo msegho, na kumreda inyo imbiri ya ugho wubaa ghwake, msewadie ikosa jingi kwa kuboilwa;

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 19:12

Meso ghake gherekoghe sa lumu lwa modo, urwae virumbu vingi chongonyi kwake; nao oko na irina ijo mndungi usedimagha kujimanya, ela uo moni uekeri.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”