JOHANE 16:5 - Biblia Ilagho Jiboie Kwa Wandu Wose

⁵ Ela idana niaghenda kwa uo orenidumieghe, hata ndekuwadie mndungi konyu unikotiagha, ‘Welee, kwenda hao?’

JOHANE 16:5 Խաչաձեւ Հղումներ

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 13:36

Na Simoni Petro ukamkotia, “Bwana kughenda hao?” Jesu ukatumbulia, “Andu cnighendagha ini, ndekudimagha kuninugha idana anduangi, ela kuchaninugha konyuma.”

JOHANE 14:28

Mwameria kusikira ngimzera, ‘Niaghenda sena nimmburie.’ Ngera modenikunda, kumangu mwaboilwa; kwa kukaia naawuyaghenda kwa Aba, angu Aba ni m'baa kunichumba ini.

JOHANE 16:10

kwa hachi, angu niaghenda kwa Uja Aba, nenyo ndemchaaniwona sena;

JOHANE 16:16

“Kwa ngelo ndini ndemchaaniwona, sena kuida ngelo ndini mchaniwona.”

JOHANE 16:17

Wamu wa wanughi wake wikakotiana, “Kutambua kwaro niki ughoragha, ‘Kwa ngelo ndini ndemchaaniwona, sena kuida ngelo ndini mchaniwona?’ Na sena ‘Angu niaghenda kwa uja Aba.’”

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 17:13

Idana niacha kwako; nani naghighora malagho agha wurumwengunyi, eri kuboilwa kwapo kukate kuchuo andenyi ngolonyi kwawo.

JOHANE 17:4

Nakukasa oho aha ndoenyi, naimeria ija kazi koreninekieghe niibonye.

JOHANE 6:62

Yakaiagha wada ngera modemmbona Mwana wa Mdamu ukijoka andu aja orekoghe koimbiri?

JOHANE 7:33

Niko Jesu ukaghamba, “Ini neko andwamweri nenyo kwa ngelo vui, nani nichaghenda kwa uo orenidumieghe.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.