JOHANE 16:10 - Biblia Ilagho Jiboie Kwa Wandu Wose

¹⁰ kwa hachi, angu niaghenda kwa Uja Aba, nenyo ndemchaaniwona sena;

JOHANE 16:10 Խաչաձեւ Հղումներ

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

MABONYO GHA WADUMI 3:14

Ela inyo moremleghieghe uja Mweli, uo Mhachi; mkakunda mfunguilo m'bwaghi wandu.

WAGALATIA 5:5

Angu isi dawesera ijo isuwirio ja hachi kwa chia ya Roho.

WAROMA 1:17

Angu hachi ya Mlungu yafunukulwa andenyi yaro kwa chia ya irumirio kuvikia irumirio; sa iji koni iandikilo, “Uo utalwagha kukaia na hachi kwa chia ya irumirio, uchakaia moyo.”

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

MABONYO GHA WADUMI 2:32

Uo Jesu, Mlungu oremrukishireghe kufuma kwa wafu, nesi diwose deko washahidi wa maza iri.

JOHANE 5:32

Oko umu unishuhudiagha ini, nani namanya angu ugho wushuhuda unishuhudiagha nagho ni ghwa loli.

JOHANE 3:14

“Sena sa iji koni Musa oreijosereghe ija choka ya shaba kireti, ni huwo koni Mwana wa Mdamu suti ujoso;

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

ISAYA 42:21

Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

JOHANE 7:33

Niko Jesu ukaghamba, “Ini neko andwamweri nenyo kwa ngelo vui, nani nichaghenda kwa uo orenidumieghe.

JOHANE 16:5

Ela idana niaghenda kwa uo orenidumieghe, hata ndekuwadie mndungi konyu unikotiagha, ‘Welee, kwenda hao?’

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”