JOHANE 15:8 - Biblia Ilagho Jiboie Kwa Wandu Wose

⁸ Aba uchakaswa mkava matunda mengi, nenyo mchawoneka kukaia moko wanughi wapo.

JOHANE 15:8 Խաչաձեւ Հղումներ

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

HAGAI 1:8

Jokenyi mighondinyi mrede mbau, muiaghe Hekalu; nani nichaboilwa na kutaswa andenyi yaro.

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

MATHAYO 5:44

Ela ini namzera, muwikunde wamaiza wenyu, sena muwilombie awo wimtiriragha;

MATHAYO 9:8

Wandu wose izungunyi iji waghiwona agho, wikaobua na kumkasa Mlungu uo orewinekieghe wadamu iro nguma.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

JOHANE 13:35

Mkakundana, wandu wose wichamanya angu inyo moko wanughi wapo.”

JOHANE 15:5

“Ini ne mzabibu, na inyo mo mbashu. Uo ukaiagha andenyi kwapo na ini andenyi kwake, nuo moni uvagha matunda mengi; angu ndemdimagha kubonya ilagho jingi kuseko na ini.

JOHANE 8:31

Jesu ukawizera waja Wayahudi weremrumirieghe, “Mkaghiwadia mafundisho ghapo, mchakaia wanughi wapo loli,

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

1 WAKORINTHO 6:20

Moreghuloghe kwa ighuri, kwa huwu itumienyi mimbi yenyu kwa wundu ghwa wubaa ghwa Mlungu.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

TITO 2:5

wikaie na akili, wielie, wezighana kazi ra nyumbenyi, wikaie wecha, wekusera kwa womi wawo; eri ilagho ja Mlungu jisepate kumenywa.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.