JOHANE 15:6 - Biblia Ilagho Jiboie Kwa Wandu Wose

⁶ Mndungi usekaiagha andenyi kwapo, wadadaghwa shighadi sa lumbashu, nao waoma. Mbashu sa iro radasholwa rikumbo modonyi na kukorwa.

JOHANE 15:6 Խաչաձեւ Հղումներ

2 SAMUELI 23:7

ela uo mundu uiadadagha suti utumie chuma na mbela ya ifumu nayo yakorwa na kumerelwa ni modo.

AYUBU 15:30

Ndechaafufunuka kufuma kirenyi; uchakaia sa mudi mbashu raro riomerelo ni modo, na miruke ifumagha momunyi kwa Mlungu ichamuinja noko.

ZABURI 80:15

Choo kughukire ughu mzabibu koreghuwaeghe, ugho mzabibu mkoo koreghuzoghorieghe ghukawuya m'baa.

ISAYA 14:19

ela oho, ndekuwadie kaburi, kookumbwa shighadi sa kifu chifushiro; koofinikirwa na awo wibwaghilo kwa lufu, awo wiserie kondonyi kinenyi cha magho; karakara na mfu uwadirilo-wadirilo.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

EZEKIELI 17:9

“Idana wizere, Ini Bwana MLUNGU naghamba huwu, Welee, loli ughu mzabibu ghukaia nicha? Ija indu ndeighukuagha na kuridumbua mbashu raro hata ivo vishekero varo viome? Ndeghukunde ndighi nyingi, hata wandu wengi weghuruda na kughukua.

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

MATHAYO 27:5

Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha.

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

MATHAYO 7:19

Kula mudi ghusevagha matunda ghiboie, ghwadademwa na kukumbwa modonyi.

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

WAEBRANIA 10:27

ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.

2 PETRO 2:20

Kwa kukaia, nyuma ya kufufunuka kufuma kwa ugho wuchafu ghwa wurumwengu, kwa chia ya kummanya Bwana na Mkiri odu Jesu Kristo, wikawuya wikawadwa na kumazirwa andenyi kwaro sena, kutua kwawo kwakaia kuzamie kuchumba imbiri.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”