JOHANE 14:6 - Biblia Ilagho Jiboie Kwa Wandu Wose

⁶ Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 14:6 Խաչաձեւ Հղումներ

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 1:4

Andenyi kwake Uo korekoghe na Irangi, najo ijo irangi jerekoghe mwengere ghwa wadamu.

JOHANE 10:28

Nani narineka irangi ja kala na kala, hata na jingi nderichaatota, sena ndekuwadie mndungi uchaanisoka mkonunyi kwapo anduangi.

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

JOHANE 14:19

Kwa ngelo vui wurumwengu ndeghuchaaniwona sena, ela inyo mchaniwona, na kwa kukaia neko moyo, inyo wori mchakaia moyo.

JOHANE 15:1

“Ini ne mzabibu ghwa loli, na Aba nuo mlimi waro.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 6:33

Angu mkate ugho Mlungu umnekagha, ni uo uchee kufuma mlungunyi kughuneka wurumwengu irangi.”

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

JOHANE 6:57

Sa iji koni Aba uko moyo orenidumieghe, nani nakaia moyo kwa wundu ghwa Aba, huwo koni uo unijagha ini uchakaia moyo kwa wundu ghwapo wori.

JOHANE 6:68

Simoni Petro ukamtumbulia, “Bwana, dimghendia ani? Oho koko na malagho gha irangi ja kala na kala.

JOHANE 8:32

nenyo mchaimanya ija loli, nayo loli icham'bonya kukaia wakitina.”

JOHANE 8:51

Namghoria loli, uo usikiragha mafundisho ghapo ndechaafwa anduangi.”

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

MABONYO GHA WADUMI 4:12

Hata ndekuwadie kukia kwa mzima ungi anduangi, angu ndekuwadie irina jingi izima wurumwengunyi kose, jinekelo wadamu jidimagha kudikira.”

MABONYO GHA WADUMI 9:2

ukalomba barua ughende naro sunagoginyi ra Dameshki, eri ukawona wandu wangi wawuyainugha Chia ya Bwana, womi angu waka, uwifunge na kuwireda Jerusalemu.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

WAROMA 5:21

eri sa iji koni kaung'a erebonyereghe nguma andenyi ya kifwa, mvono nagho ghubonye nguma kwa chia ya hachi, kuvikia irangi ja kala na kala kwa chia ya Jesu Kristo Bwana odu.

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAKOLOSAI 2:17

Maza iri ni fwana ya iro maza richagha, ela wuloli ni ghwa Kristo.

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

WAKOLOSAI 3:4

Kawona Kristo wawoneka uo uko irangi jedu, niko inyo wori mchawoneka andwamweri nao andenyi ya wubaa.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 9:8

Kwa maza iri, Roho Mweli wawonyera kukaia chia engia Andu kwa Wueli Kuchumbie, yaduagha iserughulo iji iyo hema ya shighadi iduagha kimusi;

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 JOHANE 1:8

Dikaghamba wei ndediwadie kaung'a ingi, diakukalia diweni, na iyo loli ndeiko andenyi kodu anduangi.

1 JOHANE 2:23

Ndekuwadie mndungi umkanagha uja Mwana, ima sena ukaie na uja Aba; uo ose umrumiriagha uja Mwana, oko na uja Aba wori.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

1 JOHANE 5:6

Jesu Kristo nuo orechieghe kwa machi na bagha; hata si kwa machi gheni ghiekeri anduangi, ela kwa machi na bagha.

2 JOHANE 1:9

Mndungi ughendagha imbiri kuseko na mafundisho gha Kristo, ndewadie Mlungu; uo ukaiagha kwa agho mafundisho, oko na uja Aba andwamweri na uja Mwana wori.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.