JOHANE 13:34 - Biblia Ilagho Jiboie Kwa Wandu Wose

³⁴ Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

JOHANE 13:34 Խաչաձեւ Հղումներ

ZABURI 119:63

Ini ne mngara wa wandu wose wikuobuagha oho, na wose wighinughagha mafundisho ghako.

ZABURI 16:3

Waeli wiko isangenyi, niwo wandu wa ishima; awo niwo winiboiagha.

WALAWI 19:18

Kusakemlipia mndungi angu kukaia na ngenga nao. Ela kumkunde mmbenyu sa iji koni kukukunde kumoni; ini ne BWANA.

WALAWI 19:34

Uo mghenyi mwawuyakanya uchakaia kwako sa muisanga aghadi konyu; na oho kuchamkunda seji kukukunde kumoni, kwa kukaia na oho korekoghe mghenyi isanga ja Misri; ini ne BWANA Mlungu wako.

MATHAYO 5:44

Ela ini namzera, muwikunde wamaiza wenyu, sena muwilombie awo wimtiriragha;

JOHANE 15:17

Kwa huwu momu ghwapo konyu ni ughu: mkundane mmbeni na mmbeni.

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

WAROMA 13:10

Kukamkunda mmbenyu, ndekudimagha kum'bonyera kiwiwi chingi anduangi; kwa huwo, lukundo lwadakatisha Sharia yose.

WAROMA 13:8

Msakekaia na sile ingi kwa mndungi, ela iyo cheni ya kukundana mmbeni na mmbeni; angu uo umkundagha mmbao waikatisha Sharia.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAGALATIA 6:10

Kwa huwo, diwibonyere wandu wose nicha ngelo diko na wulalo; na kuchumba awo wa kinyumba cha irumirio.

WAGALATIA 6:2

Mtesiane mmbeni na mmbeni, mpate kuikatisha sharia ya Kristo.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAKOLOSAI 1:4

angu dasikire malagho gha irumirio jenyu muko najo kwa Kristo Jesu, na lukundo muko nalo kwa waeli wose;

1 WATHESALONIKE 3:12

na Bwana ndem'bonye mchurikie, na kukaia na lukundo mmbeni na mmbeni kwa wungi; na kuwikunda wandu wose, seji isi dawuyamkunda inyo.

2 WATHESALONIKE 1:3

Deko na suti emfunyira Mlungu chawucha matuku ghose kwa wundu ghonyu wanidu, sa iji koni ifwanagha; kwa kukaia irumirio jenyu jaawuyazoghua kwa wungi, na lukundo luko aghadi konyu kwa kula mundu na mmbao lwaawuyachurikia.

WAEBRANIA 13:1

Uko kukundana kwa wanidu ndekuduo.

JAKOBO 2:8

Kamanya loli inyo mwawuyaikatisha ija sharia ya kiwuzuri, kunughana na Maandiko Ghielie, “Kumkunde mmbenyu seji koni kukukunde kumoni,” ni nicha.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

2 PETRO 1:7

na aighu ya kuobua kwa Mlungu, mchurie kukunda wanidu; na aighu ya kukunda wanidu, mchurie lukundo.

1 JOHANE 3:11

Angu iji nijo ilagho morejisikireghe kufuma kuzoya, kukaia, dikundane diweni na diweni;

1 JOHANE 3:23

Na ughu nigho momu ghwake, kukaia, dimrumirie uo Mwana wake Jesu Kristo, na kukundana diweni na diweni sa iji koni Kristo oredilaghirieghe.

1 JOHANE 4:21

Nesi dawadie momu ughu ghufumagha kwake, kukaia uo umkundagha Mlungu, yamfwana umkunde na mruna wori.

2 JOHANE 1:5

Na idana mkeku, nakulomba dikundane diweni na diweni, si angu wei naawuyakuandikia momu mmbishi, ela ni ghuja ghoni dikaiagha nagho kufuma kuzoya.