JOHANE 12:6 - Biblia Ilagho Jiboie Kwa Wandu Wose

⁶ Oreghorieghe agho, si angu orewitalieghe wakiwa anduangi, ela ni iji orekoghe kitoi; na angu nuo oredwagha mfuko ghwa pesa orekoghe ukiiwa pesa rerekumbiloghe andenyi.

JOHANE 12:6 Խաչաձեւ Հղումներ

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

MAKATANISHO 29:7

Mundu wa hachi waichi hachi ra wakiwa, mundu uzamie ndetambukilwagha ni maza sa iro.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

MATHAYO 21:13

Ukawizera, “Yaandikilo, ‘Nyumba yapo ichawangwa nyumba ya malombi.’ Ela inyo mwaibonya mbanga ya viting'a.”

LUKA 8:3

na Joana mkake Kuza, m'baa wa kazi wa Herode, na Susana, na wazima wengi werekufunyireghe kumdumikia kwa mali rawo.

JOHANE 10:13

Wakimbia angu ni mundu wa mafungu, hata ndetalagha maza ra ng'ondi anduangi.

JOHANE 12:5

“Kwaki mavuda agha ghisauzwagha kwa pesa dinari maghana adadu na kunekwa wakiwa?”

JOHANE 13:29

Wamu wikaghesha wei angu Juda orekoghe ukidwa mfuko ghwa pesa, Jesu odemzera ughuo ivo vindo vikundikagha kwa ndima, angu kewada uneke wakiwa kindo chimu.

1 WAKORINTHO 6:10

vitoi, wandu wibonyagha iriso, wawongeri, wandu wisholiagha, hata viting'a, ndewichaapata ifwa ja wuzuri ghwa Mlungu anduangi.

WAGALATIA 2:10

Ilagho jimweri weredizerieghe ni angu diwikumbuke wakiwa, najo ni ilagho ini moni nerefungieghe ndighi kujibonya.

1 WATHESALONIKE 5:22

mkutanye na wuwiwi ghwa kula mbari.

JAKOBO 2:2

Yadimika mndumu ungie ikwanyikonyi jenyu urwae pete ra dhahabu na nguwo ra zoghori mbaa, na mndumu ungie uko mkiwa urwae nguwo ra marasi.

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?