JOHANE 12:34 - Biblia Ilagho Jiboie Kwa Wandu Wose

³⁴ Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

JOHANE 12:34 Խաչաձեւ Հղումներ

2 SAMUELI 7:13

Uo uchaniaghia nyumba, nani nichamangisha wuzuri ghwake kwa kala na kala.

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

ZABURI 72:7

Matuku ghake, hachi ndeichurikie; na sere ichuo kwa wungi matuku ghose, hata mori ghwasia.

ISAYA 53:8

Oredwaloghe noko kutanywa na kutirirwa, ela kivalwa chake ndecheretalieghe ilagho ijo. Orefunyiroghe na kuinjwa kufuma kwa ijo isanga ja awo wiko moyo; odekabwa kwa wundu ghwa makosa gha wandu wapo.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

MATHAYO 16:13

Hata iji Jesu wavika chia ra Kaisaria Filipi, ukawikotia wanughi wake, “Welee, wandu waghoragha Mwana wa Mdamu nani?”

MATHAYO 21:10

Hata iji orengirieghe Jerusalemu, wandu wa muzi wose wikanyavurika wikighamba, “Nani uhu?”

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

JOHANE 10:34

Jesu ukawitumbulia, “Welee, ndeiandikilo Sharienyi konyu, ‘Ini naghambie inyo mo milungu?’

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’

JOHANE 8:28

Niko ukawizera, “Iji mwamjosa Mwana wa Mdamu, aho niko mchaamanya angu ‘Ini Nuo Moni;’ nenyo mchamanya angu sibonyagha ilagho jingi kwa nguma rapo ini moni, ela nadaghora agho gheni nerefundishiroghe ni Aba.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WAROMA 5:18

Angu sa iji koni ikosa ja mundu umweri jiredie kutanywa kwa wandu wose, ni huwo koni na ibonyo ja hachi ja mundu umweri jaredie kulekwa makosa na kupata irangi kwa wandu wose.

WAEBRANIA 7:24

ela Jesu wadua na wukohani ghwake toe, angu uduagha kwa kala na kala.