JOHANE 12:1 - Biblia Ilagho Jiboie Kwa Wandu Wose

¹ Matuku arandadu imbiri ya Pasaka, Jesu ukacha Bethania muzi ghwa Lazaro, uo oremrukishireghe kufuma kwa wafu.

JOHANE 12:1 Խաչաձեւ Հղումներ

MATHAYO 21:17

Nao ukawisigha, ukafuma shighadi ya muzi ukaghenda Bethania ukalala aho.

MARKO 11:11

Jesu ukangia Jerusalemu, ukaghenda hata Hekalunyi, ukazighana vilambo vose chia rose. Ela kwa kukaia erekoghe luma lwa kenyi, ukafuma, ukaghenda Bethania, andwamweri na waja ikumi na wawi.

LUKA 24:50

Niko ukawifunya shighadi ya muzi hata Bethania, ukaiwusira mikonu yake ukawirasimia.

LUKA 7:37

Nao muka umu mkaung'a wa muzi ghuja iji wamanya angu Jesu wacha vindonyi nyumbenyi kwa uo Mfarisayo, ukareda chupa ichue marumba;

JOHANE 11:1

Nao mndumu wa Bethania uwangwagha Lazaro orekoghe mkongo. Bethania ni muzi ghwa Maria na mruna Marita.

JOHANE 11:43

Umeria kughora agho, ukawanga kwa lwaka lubaa, “Lazaro! Fuma shighadi!”

JOHANE 11:44

Nao uja mundu orekoghe ufue ukafuma shighadi, urighirilo nguwo ra kurika maghu na mikonu, na wushu ghwake ghufungilo na kitambaa. Jesu ukawizera, “Mfunguonyi, mumleke ughende.”

JOHANE 11:55

Idana Ndima ya Pasaka ya Wayahudi erekoghe kaavui, na wandu wengi werejokieghe Jerusalemu, wipate kukuelesha Ndima iyo isevikie.

JOHANE 12:12

Nakesho yaro, izungu ibaa ja wandu werechieghe kwa Ndima ya Pasaka, wikasikira angu Jesu orekoghe ukicha Jerusalemu.

JOHANE 12:20

Korekoghe na Wagriki wamu aghadi ya wandu werechieghe Jerusalemu kutasa ngelo ya ndima.

JOHANE 12:9

Nao iji Wayahudi wasikira angu Jesu orekoghe Bethania, wikaghenda aho; si kwa wundu ghwa Jesu tu, ela wokoni kwa wundu ghwa kummbona Lazaro uo Jesu oremrukishireghe kufuma kwa wafu.