JOHANE 10:18 - Biblia Ilagho Jiboie Kwa Wandu Wose

¹⁸ Ndekuwadie mndungi unisokagha irangi japo, ela niajifunya kwa kukunda kwapo ini moni. Neko nandighi rejifunya, sena neko nandighi rejiwusa. Huwo niko nerelaghiriloghe ni Aba.”

JOHANE 10:18 Խաչաձեւ Հղումներ

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

JOHANE 10:15

sa iji Aba uniichi ini, nani namwichi Aba; nani najifunya irangi japo kwa wundu ghwa ng'ondi.

JOHANE 10:17

“Uja Aba wanikunda kwa kukaia najifunya irangi japo nipate kujiwusa sena.

JOHANE 14:31

Ela yafwane wurumwengu ghumanye angu namkunde Aba, niko nawuyabonya sa iji koni orenilaghirieghe. Wukenyi difume aha.

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 19:11

Jesu ukamzera, “Oho ndakwakaiagha na nguma ringi aighu yapo ngera kuserenekeloghe ni Mlungu. Kwa wundu ughu, uo wanireda kwako nuo uko na kaung'a mbaa kuchumba.”

JOHANE 5:26

Sa iji koni uja Aba uko na irangi andenyi kwake, wokoni wamnekie Mwana kukaia na irangi andenyi kwake.

JOHANE 5:30

“Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

MABONYO GHA WADUMI 2:24

Ela Mlungu oremrukishireghe kufuma kwa wafu, ukamuinja luwawo lwa kifwa, angu ndeeredimikieghe chimmazire anduangi.

MABONYO GHA WADUMI 2:32

Uo Jesu, Mlungu oremrukishireghe kufuma kwa wafu, nesi diwose deko washahidi wa maza iri.

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.