JOHANE 1:51 - Biblia Ilagho Jiboie Kwa Wandu Wose

⁵¹ Nao ukachuria kughamba, “Namghoria loli, mchawona mlungunyi kukirughuka, na weke malaika wa Mlungu wikijoka na kusea aighu ya Mwana wa Mdamu.”

JOHANE 1:51 Խաչաձեւ Հղումներ

KUZOYA 28:12

Nao ukaloda ndodo, ukawona ngazi yadungwa andoenyi, na mudo ghwaro ghwavika mlungunyi; na weke malaika wa Mlungu werekoghe wikijoka na kusea kwa iyo ngazi.

EZEKIELI 1:1

Ituku ja kasanu ja mori ghwa kana, mwaka ghwa mirongo idadu, iji nerekoghe Moda ghwa Kebari, aghadi ya wandu wa Israeli weredwaloghe wunyika, mlungunyi korerughuloghe, ngawona mawono gha Mlungu.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MATHAYO 26:24

Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

MATHAYO 3:16

Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake.

MATHAYO 4:11

Nao Ibilisi ukamsigha, na weke malaika wikacha kumdumikia.

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

MATHAYO 9:6

Ela nakunda mmanye angu Mwana wa Mdamu wawadie nguma relekia wandu kaung'a wurumwengunyi.” Niko ukamzera uja mkelemeri, “Wuka kughuduke wuli ghwako kwende nyumbenyi kwako.”

MARKO 1:10

Nao ahoeni ukifuma machinyi, ukawona mlungunyi kwafunukulwa, na Roho ukimseria aighu yake sa mbughi.

MARKO 14:62

Jesu ukatumbulia, “Ini nuo moni; nenyo mchammbona Mwana wa Mdamu uko kidombo chia ya mkonu ghwa kiwomi ghwa Uo-Uwadie-Ndighi-Rose, sena mchammbona ukicha na mawingu gha mlungunyi.”

LUKA 2:13

Nao shwa jikawoneka izungu ja mlungunyi andwamweri na uja malaika, jikimkasa Mlungu na kughamba,

LUKA 2:9

Nao malaika wa Bwana ukawifutukia, na wubaa ghwa Bwana ghukang'ala-ng'ala chia rose kwawo, nawo wikaobua nandighi.

LUKA 22:43

Nao malaika wa Bwana ukamchea kufuma mlungunyi kumfungisha ndighi.

LUKA 22:69

Ela kufuma idana, Mwana wa Mdamu uchasea kidombo chia ya mkonu ghwa kiwomi ghwa Mlungu Uwadie Ndighi Rose.”

LUKA 24:4

Hata iji werekaieghe kimusi wikishinikia ilagho ijo, wikafutukilwa ni wandu wawi, wiko na nguwo ring'ala-ng'ala, wikakaia kimusi kaavui nawo.

LUKA 3:21

Nao nyuma ya wandu wose kubaputizwa, Jesu wori orebaputiziroghe, nao ukilomba, mlungunyi kukafunukulwa,

JOHANE 1:50

Jesu ukamzera, “Welee, kuarumiria angu nakuzera nakuwonieghe aisi ya mtini? Kuchawona maza mbaa kuchumba iri.”

JOHANE 10:1

Nao Jesu ukaghamba, “Namghoria loli, ngera mundu usengiagha cha iranunyi ja ng'ondi kwa kuidiria mnyangonyi, ela uajokeria andu kuzima, uo ni kitoi na kiting'a.

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

JOHANE 13:16

Namghoria loli, mdumiki ndekaiagha m'baa kuchumba bwana wake, hata mdumi ndekaiagha m'baa kuchumba uo umdumie anduangi.

JOHANE 13:38

Jesu ukatumbulia, “Loli kwadima kufwa kwa wundu ghwapo? Nakughoria loli, njogholo ndeichadeda hata kwameria kunikana kadadu.”

JOHANE 14:12

Namghoria loli, uo unirumiriagha, uchabonya iro kazi niribonyagha; ee, nao uchabonya na zima mbaa kuchumba iri; angu niaghenda kwa Aba.

JOHANE 16:20

Namghoria loli, inyo mchalila na kudikwa ni mbori, ela wurumwengu ghuchaboilwa, mchakaia na wasi, ela wasi ghonyu ghuchaghaluswa kukaia kuboilwa.

JOHANE 16:23

Ituku ijo ndemchaanilomba kilambo chingi anduangi. Namghoria loli, icho chose mchaalomba kwa uja Aba kwa irina japo uchamneka.

JOHANE 21:18

Nakughoria loli, iji korekoghe mdawana, korekufungieghe kumoni mkowa ghwako, na kughenda andu uko kose korekundieghe; ela iji kwaghosia, kuchaighorua mikonu yako, na mundu mzima uchakufunga na kukudwa andu kusekunde.”

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

JOHANE 5:19

Nao Jesu ukawizera, “Namghoria loli, Mwana ndedimagha kubonya ilagho jingi uo moni anduangi, ela wadabonya karakara na agho ughiwonagha kwa Ndee. Angu agho ughibonyagha uja Aba, nigho gheni na Mwana ughibonyagha wokoni.

JOHANE 5:27

Sena wamnekie nguma retanya, angu uko Mwana wa Mdamu.

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

JOHANE 6:32

Niko Jesu ukawizera, “Namghoria loli, Musa nderemnekieghe mkate kufuma mlungunyi; Aba nuo umnekagha inyo mkate ghwa loli kufuma mlungunyi.

JOHANE 6:47

Namghoria loli, uo urumiriagha, oko na irangi ja kala na kala.

JOHANE 6:53

Jesu ukawizera, “Namghoria loli, ngera msejagha nyama ya Mwana wa Mdamu na kuinywa bagha yake, ndemdimagha kukaia na irangi andenyi konyu anduangi.

JOHANE 8:34

Jesu ukawizera, “Namghoria loli, uo ose ubonyagha kaung'a ni mzumba wa kaung'a.

JOHANE 8:51

Namghoria loli, uo usikiragha mafundisho ghapo ndechaafwa anduangi.”

JOHANE 8:58

Jesu ukawizera, “Namghoria loli, imbiri ya Abrahamu kukaia, ‘Ini Neko.’”

MABONYO GHA WADUMI 10:11

ukawona mlungunyi kwarughulwa, na kilambo chimu chikisea sa nguwo mbaa andoenyi kwa mbembe rake inya.

MABONYO GHA WADUMI 7:56

ukaghamba, “Olenyi nawona mlungunyi kwarughulwa, na Mwana wa Mdamu uko kimusi chia ya mkonu ghwa kiwomi ghwa Mlungu.”

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”