JOHANE 1:14 - Biblia Ilagho Jiboie Kwa Wandu Wose

¹⁴ Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:14 Խաչաձեւ Հղումներ

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ZABURI 45:2

Oho kwaghokie kuchumba wandu wose; kwanekelo kudeda malagho gha mvono, kwa kukaia Mlungu wakurasimie matuku ghose.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

MATHAYO 1:16

Jakobo oremvaeghe Josefu, uo orekoghe mumi wake Maria, uo oremvaeghe Jesu uwangwagha Kristo.

LUKA 2:11

angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.

LUKA 2:7

Ukava mwana wake wa imbiri wa womi, ukamrighiria nguwo ra kiwanake, ukamrarisha andu mfugho rijiagha kiwandenyi, angu ndekorekoghe na wulalo ghungi nyumbenyi kwa waghenyi anduangi.

LUKA 9:32

Petro na awo werekwanyeghe werewadiloghe ni dilo nyingi, hata iji wawuka wikaghuwona wubaa ghwake, na waja wandu wawi wiko kimusi andwamweri nao.

JOHANE 1:1

Aho kuzoenyi, Ilagho orekoghe aeni, na Ilagho orekoghe andwamweri na Mlungu, nao orekoghe ni Mlungu moni.

JOHANE 11:40

Jesu ukamzera, “Welee, sikuzerieghe kukarumiria kuchaghuwona wubaa ghwa Mlungu anguwada?”

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 14:9

Jesu ukamzera, “Uluma lose dakanya ndekuniichi Filipo? Uo uniwonie ini, wamerie kummbona uja Aba. Kughora wada sena, ‘Kudiwonyere Aba?’

JOHANE 17:22

Ini nawineka ghuja wubaa ghoni koreninekieghe ini, wipate kukaia kindo chimweri sa iji isi diko umweri.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 2:11

Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 3:18

“Uo umrumiriagha Mwana ndetanywagha anduangi; ela uo userumiriagha wameria kutanywa, kwa kukaia ndeurumirie kwa Mwana wa ititi wa Mlungu anduangi.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

JOHANE 8:32

nenyo mchaimanya ija loli, nayo loli icham'bonya kukaia wakitina.”

MABONYO GHA WADUMI 13:33

wadikatishira isi wana wawo kwa kumrukisha Jesu; seji iandikilo wori kwa Zaburi ya kawi: ‘Oho ko Mwana wapo, nakuva idime.’

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAROMA 9:5

na awo weke wawa ni wawo, na kufuma kwawo orevaloghe Kristo kwa chia ya mumbi. Mlungu uo uko aighu ya vose ndekaso kwa kala na kala. Amen.

1 WAKORINTHO 15:47

Uo mundu wa imbiri orefumieghe ndoenyi, ni mundu wa teri; mundu wa kawi odefuma mlungunyi.

2 WAKORINTHO 12:9

ela ukanizera, “Mvono ghwapo ghwakukate, angu ndighi rapo radakatishwa andenyi ya wunyonge.” Kwa wundu ugho, nichachuria kukukasa kwa kuboilwa andenyi ya wunyonge ghwapo, eri ndighi ra Kristo riduo andenyi kwapo.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAKOLOSAI 1:19

Angu erem'boieghe Mlungu kuchua kwake kose kukaie andenyi ya uo Mwana;

WAKOLOSAI 2:3

andenyi kwake uo raviswa mali rose ra hikima na kumanya.

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 1:5

Angu ni malaika uao jingi uzerelo ni Mlungu wei, “Oho ko Mwana wapo, nakuva idime.” Angu wei, “Nichakaia ndee, nao uchakaia Mwanwapo.”

WAEBRANIA 10:5

Kwa wundu ghwa agho, Kristo uendacha wurumwengunyi, oreghambieghe huwu, “Oho ndekorekoghe na haja ya vizongona na mafunyo ghangi, ela koreniboisireghe mumbi.

WAEBRANIA 2:11

Angu uo ueleshagha, na awo wieleshwagha, weefuma kwa Ndee umweri. Kwa wundu ugho niko Jesu usefwagha waya kuwiwanga waruna

WAEBRANIA 5:5

Huwo koni, Kristo nderewusireghe ijo ishima jebonywa Mkohani M'baa kwa kukujosa moni anduangi, ela orewikiloghe ni Mlungu uo oremzerieghe, “Oho ko Mwana wapo nakuva idime.”

1 JOHANE 4:14

Nesi dawonie, sena dashuhudia, angu uja Aba oremdumieghe Mwana wake ukaie Mkiri wa wurumwengu.

1 JOHANE 4:9

Kwa chia ihi, lukundo lwa Mlungu lorewonekieghe worinyi aghadi kodu; kukaia, Mlungu oremdumieghe Mwana wake wa ititi wurumwengunyi, eri dipate kukaia moyo kwa chia yake uo.

2 JOHANE 1:7

Angu wakalii wengi wamerie kufumirika wurumwengunyi, wandu wikanagha kukaia Jesu Kristo orechieghe ukawuya mdamu; mundu uo ni mkalii, na M'maiza wa Kristo.

WUFUNUO 19:13

Orerwaeghe ijoho jikumbilo baghenyi, nao wawangwa Ilagho ja Mlungu.

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.