JEREMIA 9:15 - Biblia Ilagho Jiboie Kwa Wandu Wose

¹⁵ Kwa huwo BWANA wa majeshi, uo Mlungu wa Israeli waghora huwu, Nichawineka wandu awa midi iwawie wipate kuja, na machi gha sumu wipate kunywa.

JEREMIA 9:15 Խաչաձեւ Հղումներ

ZABURI 60:3

Kwawibonyere wandu wako wikapatwa ni wasi m'baa; daawuyatatarika sa wandu winyue divei wikawongia.

ZABURI 69:21

Wereninekieghe sumu, wulalo ghwa vindo; Iji nereomieghe, wikanineka siki.

ZABURI 75:8

BWANA wawadia kikombe, cha divei ya machu ghake, iranganyiro nicha na kubonya ifuo. Uchawidungia wandu wawiwi wose wa ndoenyi, nawo wichanywa na kuchiangamira.

ZABURI 80:5

Oho kwawijishire mkate ghwa wasi; kukawibonya winyo icho kikombe kibaa cha mbori.

ISAYA 2:17

Kukujosa kose kwa mdamu kuchaserwa, na kukuduka kwa wadamu kuchaserwa; BWANA uekeri nuo uchaajoswa ituku jija.

ISAYA 2:22

Sigha kumrumiria mdamu, uo urudagha miruke na mbua yake, kwa kukaia uo si kilambo chingi anduangi.

JEREMIA 23:15

Kwa huwo, BWANA wa majeshi waghora huwu aighu ya walodi wa Jerusalemu, “Olenyi nichawijisha vindo viwawie, na kuwinyosha machi ghibirie; kwa kukaia wamerie kueresha kuja kuleghamuobua Mlungu isangenyi jose.”

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 25:15

Nao BWANA, uo Mlungu wa Israeli ukanizera, “Wada ichi kikombe cha divei ya machu ghapo, kuwinyoshe wandu wa iri mbari rose ra wandu nichaakuduma kwawo.

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

JEREMIA 49:37

Nichawingira wandu wa Elamu wowa imbiri ya wamaiza wawo, na imbiri ya awo wilolagha kuwibwagha, nichareda mawiwi aighu kwawo kwa machu ghapo ghibirie. Nichawidumia wandu wibwagho wudenyi, hata niwimerie wose.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

KILILO CHA JEREMIA 3:15

Wanighudishire matiriro ghibirie, wulalo ghwa vindo na kunywa.

KILILO CHA JEREMIA 3:19

Uko kughesha luwawo lwapo, na uko kusowa muzi kwapo, ni sa sumu ibirie.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

WUFUNUO 8:11

Iyo nyerinyeri yawangwagha Kuwawa. Na ifungu ja kadadu ja machi jikawawa, na wandu wengi wikafwa kwa wundu ghwa agho machi, angu gherewawiroghe.