JEREMIA 8:9 - Biblia Ilagho Jiboie Kwa Wandu Wose

⁹ Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

JEREMIA 8:9 Խաչաձեւ Հղումներ

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

AYUBU 5:12

Wadarivurugha njama ra wandu wa mikalo, eri wisepate nicha ingi.

AYUBU 5:13

Wawiwada wandu wa hikima kwa mikalo yawo cheni, na kuimeria shwa mipango ya wandu wikalie.

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

ISAYA 19:11

Vilongozi va muzi ghwa Soani wakaia wakelu nandighi, na wanjama wa mzuri wafunya mawoni gha wukelu. Kudima wada kumzera mzuri, “Ini ne mwana wa mundu uwadie hikima, mwana wa wazuri wa kala?”

ISAYA 29:14

huwo koni na ini nichawibonyera maza richaawishinua; malagho gha mashiniko ghisedimagha kuvikilwa ni hikima ya wandu wawo; na wandu wawo wa akili wichasirilwa ni kumanya kwawo.”

ISAYA 43:27

Ndeyo wa imbiri odebonya kaung'a na wadederii wako wikanikosera.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 49:7

BWANA wa majeshi waghamba huwu aighu ya Edomu, “Welee, ndeiko hikima andenyi ya wandu wa Temani? Welee, njama ya wandu wa suku eesia? Hikima yawo eesia?

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

EZEKIELI 7:26

Wasi ghwaawuyacha aighu ya wasi, na malagho aighu ya malagho; wichalola wufunuo ghungi kufuma kwa mlodi, ela wakohani wichakaia walaghalwa ni sharia, na waghosi kulaghalwa ni njama.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

2 TIMOTHEO 3:15

na seji kumanyire Maandiko Ghielie kufuma wanake ghwako, agho ghidimagha kukuneka mafundisho ghiredagha kukia kwa chia ya irumirio jiko kwa Kristo Jesu.