JEREMIA 8:14 - Biblia Ilagho Jiboie Kwa Wandu Wose

¹⁴ Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

JEREMIA 8:14 Խաչաձեւ Հղումներ

2 SAMUELI 20:6

Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

ZABURI 39:2

Ela iji nerekoghe kima nisededagha, hata kughora ilagho jingi jiboie, wasi ghwapo ghorechurikieghe,

ZABURI 69:21

Wereninekieghe sumu, wulalo ghwa vindo; Iji nereomieghe, wikanineka siki.

ISAYA 47:5

BWANA waghamba “Sea kidombo kunyame chui kirenyi ee muzi ghwa Babuloni, kwa kukaia ndekuchaawangwa sena malkia wa mawuzuri.

JEREMIA 14:20

Darumiria wuwiwi ghodu ee BWANA, na makosa gha weke aba wori daghirumiria kwa kukaia deekubonyera oho kaung'a.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 23:15

Kwa huwo, BWANA wa majeshi waghora huwu aighu ya walodi wa Jerusalemu, “Olenyi nichawijisha vindo viwawie, na kuwinyosha machi ghibirie; kwa kukaia wamerie kueresha kuja kuleghamuobua Mlungu isangenyi jose.”

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

JEREMIA 35:11

Ela iji Nebukadnezari mzuri wa Babuloni orechieghe kulwa na iji isanga, dereghambieghe, ‘Choonyi dijoke Jerusalemu kwa wundu ghoobua ijeshi ja Wababuloni na ijeshi ja Wasiria.’ Kwa huwo dadakaia Jerusalemu.”

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

JEREMIA 9:15

Kwa huwo BWANA wa majeshi, uo Mlungu wa Israeli waghora huwu, Nichawineka wandu awa midi iwawie wipate kuja, na machi gha sumu wipate kunywa.

KILILO CHA JEREMIA 3:19

Uko kughesha luwawo lwapo, na uko kusowa muzi kwapo, ni sa sumu ibirie.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

AMOSI 6:10

Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”

HABAKUKI 2:20

Ela BWANA oko andenyi ya Hekalu yake ya wueli; wandu wose wa wurumwengunyi ndewikaie kima imbiri kwake.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

MATHAYO 27:34

wikamneka divei iranganyiro na nyongo upate kunywa; ela iji waitoa, ukalegha kuinywa.

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

WUKUMBUSO 32:32

Wamaiza wawo, winonekie sa Sodoma na Gomora, weeka sa mzabibu ghuvagha zabibu ra sumu riwawie,