JEREMIA 7:33 - Biblia Ilagho Jiboie Kwa Wandu Wose

³³ Na mimbi ya awo wandu ichawuya vindo va nyonyi na va nyamandu ra isakenyi, hata mndungi ndechaariturusa iro nyamandu anduangi.

JEREMIA 7:33 Խաչաձեւ Հղումներ

ISAYA 18:6

Gharia rawo richasigharika mghondinyi rijigho ni nyonyi ngelo ya sumesu, na nyamandu ra isakenyi ngelo ya kwari.”

JEREMIA 12:9

Welee, wandu wapo waawuya sa nyonyi ya virapa eja nyama? Welee, nyonyi reja nyama raaimaria chia rose kulwa nayo? Ghendenyi mkwanye nyamandu rose ra isakenyi riche karamunyi na kuja.

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 15:3

“Nichawiwikia watoteshi wa mbari inya, lufu lobwagha, koshi rerashua, nyonyi ra mbeonyi na nyamandu ra isakenyi reja na kunona.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 22:19

Ucharikwa karakara na punda, ukikurudulwa na kukumbwa shighadi ya mbenge ra Jerusalemu.”

JEREMIA 25:33

“Na awo wichaabwaghwa wudenyi ni BWANA ituku ijo, wichaera kula andu ndoenyi. Ndewichaalililwa, angu kutumbanywa, hata kurikwa; ela wichawuya kitungasi ndoenyi.

JEREMIA 34:20

nichawifunya na kuwingira mikonunyi kwa wamaiza wawo, na mikonunyi kwa awo wilolagha kutotesha marangi ghawo. Gharia rawo richawuya vindo va nyonyi ra mbeonyi, na nyamandu ra isakenyi ra ndoenyi.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

JEREMIA 9:22

BWANA wanizera nighore welee, ‘Gharia ra wandu richakaia andonyi karakara na wuchafu ghudelo ambuwenyi, karakara na viro videmelo ngelo ekuwida; hata ndekuchaakaia na mndungi oshoa anduangi.’”

EZEKIELI 29:5

Nani nichakufunya nikukumbe kireti, oho chiaimweri na samaki rose ra meda yako. Kuchaghwa andoenyi hata kusesholo na kurikwa ni mndungi. Nichakufunya kuwuye vindo va nyamandu ra isakenyi, na nyonyi ra mbeonyi.

EZEKIELI 39:4

Uchabwaghwa aighu ya mighondi ya Israeli, chiaimweri na masikari ghake wandu mkwanye. Nichamfunya ujigho ni nyonyi ra kula kichuku rijagha nyama, na nyamandu ra isakenyi.

WUKUMBUSO 28:26

Gharia renyu richawuya vindo va nyonyi rose ra mbeonyi, na va nyamandu ra ndoenyi; hata ndekuchaakaia na mndungi oriturusa anduangi.

WUKUMBUSO 8:20

Mchatota karakara na iro mbari BWANA uribonyagha ritote imbiri konyu; nenyo mchatota, kwa kukaia mwaleghie kumsikira BWANA Mlungu onyu.