JEREMIA 7:28 - Biblia Ilagho Jiboie Kwa Wandu Wose

²⁸ Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 7:28 Խաչաձեւ Հղումներ

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 50:17

Oho kwadazamilwa ni kufundishwa, na kulegha malagho ghapo.

MAKATANISHO 1:7

Kuobua kwa BWANA niko kuzoya kwaro kumanya; wakelu wadamenya hikima, na mafundisho mecha.

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

JEREMIA 11:10

Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 32:33

Waghalukie nambai wisekunde kuniwona, na hata ngera nawifundishire kwa kufunga ndighi, ela ndewerenisikireghe wiwade mafundisho ghapo anduangi.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

JEREMIA 6:28

Wose ni wandu wighilikie wileghagha, wandu wighendanyagha na waghori tee, weeka sa shaba na chuma; na wose wadabonya wuwiwi.

JEREMIA 6:8

Malagho agho ndeghikufundishe ee Jerusalemu nisechetana na oho; na kukubonya kuwuye mduu, isanga jisekailwagha ni wandu.”

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

ZEFANIA 3:2

Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.