JEREMIA 6:28 - Biblia Ilagho Jiboie Kwa Wandu Wose

²⁸ Wose ni wandu wighilikie wileghagha, wandu wighendanyagha na waghori tee, weeka sa shaba na chuma; na wose wadabonya wuwiwi.

JEREMIA 6:28 Խաչաձեւ Հղումներ

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

ZABURI 50:20

Kwadamdeda mwanyinyu, na kumdungia mwanyinyu wa mayo tee.

MAKATANISHO 10:18

Uo uvisagha kuzamilwa kwake ni mtee, na uo ughendagha ukija malagho gha tee ni mkelu.

ISAYA 31:6

Mmburienyi Mlungu uo mumleghie nandighi ee wandu wa Israeli.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 5:23

Ela awo wandu weeka na ngolo rikurie relegha kusikira; wamerie kughaluka nambai na kughenda noko.

JEREMIA 6:30

Wichawangwa feza isena kazi angu ini BWANA nimerie kuwilegha.”

JEREMIA 7:28

Na oho kuchawizera, ‘Ihi ni mbari iserelusikireghe lwaka lwa BWANA Mlungu wawo, hata ndewerewusireghe kuja kuwunjwa ni Mlungu, na kwawo loli yamerie kusia, hata ndeikaiagha anduangi.’

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:4

Kula mundu ndekulindie na mmbao, na mndungi usekaie na irumirio kwa mruna, kwa kukaia kula mundu mruna ni mkalii, na kula mmbenyu ni mzighirii.

EZEKIELI 2:7

Na oho kuchawighoria malagho ghapo wisikiragha angu wisesikire; kwa kukaia awo ni wandu welegha.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

WALAWI 14:43

“Ugho mruruwe ghukawoneka sena nyuma ya kuinja magho, na kukangarua wurigha ghwa nyumba, na kuwunja magho mazima, na kukaba nyumba plasta wuwishi,

WALAWI 19:16

Kusekaie mundu wa ighu ighu kwa madedo ghako sa mghori tee aghadi ya wandu wako, hata kusetangale hachi ya mmbenyu ngelo etanywa kufwa; ini ne BWANA.

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”