JEREMIA 6:26 - Biblia Ilagho Jiboie Kwa Wandu Wose

²⁶ BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

JEREMIA 6:26 Խաչաձեւ Հղումներ

KUZOYA 21:16

Nao moni ukaghenda na kusea kidombo kakula sa wukula ghwa kukumba iwanu, angu oreghambieghe, “Sikunde kuwona mwana ukifwa.” Nao iji orekoghe kidombo kulengana nao, uo mwana ukazoya kulila.

AYUBU 15:21

Wadasikiragha chwaka reobosha, na ngelo ugheshagha oko nicha, uchachelwa ni viting'a.

AYUBU 2:8

Ayubu ukawada luwigha lokusuwa, ukasea kidombo a ivunyi.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 22:4

Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

ISAYA 30:13

mawiwi agho ghichakaia konyu, sa wurigha mlacha ghughoghome, ghuko na lughuma lodima kughughusha shwa-shwa.

ISAYA 32:11

Kwa huwo, sughusikenyi inyo waka mwawuyasea kidombo kiduu mkikuhoresha; obuonyi inyo waka mkunde kukuhoresha; ruonyi nguwo renyu msigho duu, na kukufunga nguwo ra magunia viwonunyi konyu kwa wasi.

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 15:8

Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

JEREMIA 18:22

Kuwiredie wandu wewibwagha wisemanyire, kililo chipate kusikirika nyumbenyi rawo; kwa kukaia wakotere kina chenikumba andenyi, nawo waboisire shaghala kivisonyi rewada maghu ghapo.

JEREMIA 30:5

“Dasikira lwaka lwa wowa na loobosha luseko lwa sere.

JEREMIA 4:11

Ngelo yawuyacha, na wandu wa Jerusalemu wichazerwa, “Kiremba cha modo chichaweta kwawo kufuma kireti. Ndechichaakaia kiremba chiboie cheela masemu,

JEREMIA 4:20

Kunoneka kwaawuyanughana, isanga jose jawuya kitungasi; hema rapo raanonwa shwa wori, na pazia rapo wori.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

JEREMIA 8:21

Angu kukabwa kwa wandu wapo ni kukabwa kwapo, nalila, na kufwa waya.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

KILILO CHA JEREMIA 1:16

“Kwa wundu ugho naawuyalila; ndekuwadie mndungi onihoresha hata onikumba ngolo. M'maiza wanisima; wandu wapo ndewiwadie kindo chingi chasigharika.

KILILO CHA JEREMIA 1:2

Ghwadalalalila kwa kuwawa ghukidikwa ni mbori. Ndekuwadie mghenyi ungi wake wa kala usigharikie omhoresha. Wangara wake wamfunyire, na wose wawuya wamaiza wake.

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

KILILO CHA JEREMIA 3:16

Wanikurue wushu ghwapo na ndoe, na kuchikanya maghegho ghapo shangadonyi.

KILILO CHA JEREMIA 3:48

Naawuyadikwa ni mbori sa machi, kwa wundu ghwa kutoteshwa kwa wandu wapo.

KILILO CHA JEREMIA 4:10

Wasi ghorewichieghe wandu wapo ni ghoobosha; weke mao wiko na lukundo wikawidoghosa wana wawo weni wiwuye vindo!

KILILO CHA JEREMIA 4:3

Hata mzozo ghwaongoshagha mwana wake; ela wandu wapo weeka sa nyagha ing'etere kwa wana wake.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

JONA 3:6

Mzuri wa Nineve uendasikira agho malagho ukainjika kifumbinyi chake cha nguma, ukarua nguwo yake, ukakurusha nguwo ya igunia na kusea kidombo aivunyi.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

LUKA 7:12

Nao iji orevikieghe kaavui na mbenge ya muzi, wikakwana na izungu ibaa ja wandu wamduka mundu ufue, nao ni mwana wa ititi wa muka ufulo ni mumi wake.

JAKOBO 4:9

Mkuwone moko wasinyi mlile na kukema mchungu. Seko renyu righaluso kukema mchungu, na kuboilwa konyu kuwue kuwawa.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.