JEREMIA 6:21 - Biblia Ilagho Jiboie Kwa Wandu Wose

²¹ Olenyi nawika vikuwarisho vewikuwara wandu awa, weke aba na wana wawo wichakuwa chiaimweri, na mmbenyu na mghenyi wake wichatota chiaimweri.”

JEREMIA 6:21 Խաչաձեւ Հղումներ

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

ISAYA 8:15

Wengi wichakuwa kwa ijo igho, wichaghwa na kuchika-chika, nawo wichawadwa na kudwalwa.”

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

JEREMIA 18:23

Njama rawo renibwagha kwariichi putu ee BWANA; kusakewilekia kiwiwi chawo, hata kusakeivuta kaung'a yawo mesonyi kwako. Kuwichee ngelo ya machu ghako, kuwikumbe noko wifume kwako.”

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

EZEKIELI 3:20

Sena mundu wa hachi ukaghaluka na kubonya wuwiwi, nani nimmbikie kikuwaro chemtangala, uchafwa. Kwa kukaia kusemghorie, uchafwa kwa wundu ghwa kaung'a yake, na agho mabonyo ghake gha hachi oreghibonyereghe, ndeghichaakumbukwa; ela bagha yake nichailawia kwako.

EZEKIELI 5:10

Nichawibonya weke aba wije wana wawo, na wana wije weke ndee aghadi konyu; nani nichareda kutanya aighu yenyu. Na wangi wenyu wichaasigharika, nichawisasara noko.

WALAWI 26:37

Wichakuwarana wikikimbia kuseko na kuwingwa ni mndungi, hata ndemchakaaia na ndighi relwa na wamaiza wenyu anduangi.

WAROMA 11:9

Na Daudi waghora, “Karamu rawo nderiwuye midegho ewiwada, wipate kughwa na kunekwa adhabu;

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

1 PETRO 2:8

Na sena, “Ni igho jichaawikuwara wandu, na lwala luchaawighusha.” Wakuwa, angu wisejisikiragha ijo ilagho; sa iji koni werewikiloghe wikaie.