JEREMIA 52:27 - Biblia Ilagho Jiboie Kwa Wandu Wose

²⁷ Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

JEREMIA 52:27 Խաչաձեւ Հղումներ

2 SAMUELI 8:9

Nao Toi mzuri wa Hamathi ukasikira kukaia Daudi wamerie kusima ijeshi jose ja Hadadezeri.

2 WAZURI 17:20

na BWANA ukasigha kivalwa chose cha Israeli, ukawitirira kwa kuwisigha wingie mikonunyi kwa wakorongi hata wafuma putu usewiwoneghe.

2 WAZURI 17:23

hata BWANA ukameria kuwiinja Israeli usewiwoneghe sa iji koni orewighorieghe kwa memu ya wadumiki wake walodi. Niko Waisraeli wikakaia wibarishiro isangenyi jawo hata idime.

2 WAZURI 23:27

BWANA ukaghamba, “Nichamuinja Juda nisemmboneghe, sa iji koni neremuinjireghe Israeli, nani nichaghulegha ugho muzi ghwa Jerusalemu nereghusaghueghe ngighamba irina japo jichakaia aho.”

ISAYA 24:3

Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 27:10

Muzi ghorekoghe na ngome ghwasighwa mduu, wandu waghukimbirie ghukasighwa sa kireti; aho niko ng'ombe rilishwagha, radadima aho na kukonua mbashu ra midi yaro.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

JEREMIA 13:19

Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 39:10

Ukawisigha awo werekoghe wakiwa wikaie ahoeni isangenyi ja Juda, awo wiserekoghe na kindo chingi; ukawineka mbuwa ra mizabibu na mbuwa iyo ngelo cheni.

JEREMIA 39:9

Niko Nebuzaradani, uo m'baa wa majeshi, ukawidwa wunyika cha Babuloni awo wandu weresigharikieghe mzinyi; awo werekimbirieghe cha kwake na awo weresigharikieghe.

JEREMIA 52:9

Niko wikammbwada mzuri, na kumdwa hata kwa mzuri wa Babuloni aho Ribla, isanga ja Hamathi; Nebukadnezari ukamtanya aho.

EZEKIELI 33:28

Nichajibonya ijo isanga jisigho iduu putu, na iro ndighi wandu werekukasagha naro richasia; na mighondi ya Israeli ichasighwa miduu putu hata usoweke mundu oida aho.

MIKA 4:10

Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako.

WUKUMBUSO 28:36

“BWANA uchakudwa chiaimweri na mzuri wako kumsaghue kughende kwa mbari kuseiichi oho, hata weke ndeyo; na aho kuchaitasa milungu mizima ya midi na ya magho.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.