JEREMIA 51:28 - Biblia Ilagho Jiboie Kwa Wandu Wose

²⁸ Wikenyi iro mbari ra wandu ripate kulwa na Babuloni; wazuri wa Waamedi chiaimweri na awo wibonyagha nguma, na wabaa wawo watini, na kula isanga jiko aisi ya wuzuri ghwake.

JEREMIA 51:28 Խաչաձեւ Հղումներ

KUZOYA 10:2

Wana wa Jafethi ni: Gomeri, Magogu, Madai, Javani, Tubali, Mesheki, na Tirasi.

1 MALAGHO GHA NGELO 1:5

Wana wa Jafethi ni Gomeri, Magogu, Madai, Javani, Tubali, Mesheki, na Tirasi.

ESTA 1:3

Nao mwaka ghwa kadadu ghwa kubonya nguma kwake, mzuri Ahasuero orewibonyereghe karamu vilongozi na wadumiki wa serikali yake. Majeshi gha Pashia na Media wori gherekoghe, chiaimweri na wabaa wa masanga na wandu wabaa wa ishima.

ESTA 10:2

Mabonyo ghake mabaa ghose gha mashiniko oreghibonyereghe, chiaimweri na maza remjosa daraja ra ishima Mordekai, agho ghose ghaandikilo andenyi ya Chuo cha Wukumbuso cha wuzuri ghwa Media na Pashia.

ISAYA 13:17

BWANA waghora huwu, “Nichawinyavura Wamedi, wandu wisena bea na feza hata dhahabu, wipate kuikaba Babuloni.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

JEREMIA 25:14

Mbari nyingi na wazuri wabaa wichawibonya Wababuloni wikaie wazumba wawo, nani nichawilipa karakara na kazi ra mikonu yawo.”

JEREMIA 25:25

wazuri wose wa Zimri, wazuri wose wa Elamu, na wazuri wose wa Media;

JEREMIA 50:41

Olenyi wandu waawuyacha kufuma kaskazinyi, mbari ya wandu iwadie ndighi, na wazuri wengi wanyavurika kufuma andu kuko kula kwa ndoenyi.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:27

“Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

JEREMIA 51:29

Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

DANIELI 6:1

Dario orewonieghe nicha kuwika wabaa ighana na mirongo iwi andenyi ya wuzuri ghwake ghose.

DANIELI 6:8

Idana ee mzuri, imangishe kwa kuikaba mhuri na kuingira sahihi eri iseghalulo kwa kunugha sharia ra Waamedi na Wapashia iseghaluswagha.”

DANIELI 8:20

“Iyo bauru kuiwonie iko na mbembe iwi, ni wazuri wa Waamedi na wa Pashia.

DANIELI 9:1

Dario mwana wa Ahasuero, mvalwa wa Wamedi, orebonyeroghe kukaia mzuri wa Babuloni.