JEREMIA 51:22 - Biblia Ilagho Jiboie Kwa Wandu Wose

²² Nadakutumia kwa kuwitotesha mndwawomi na muka, mghosi na mundu wa irika, mdawana na mwai.

JEREMIA 51:22 Խաչաձեւ Հղումներ

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

ISAYA 13:15

Mundu uo ose uchaawonwa na kuwadwa uchadungwa na lufu hata ufo.

ISAYA 13:16

Wana wawo wichabarilwa ndonyi na kuwaghanyika wikiwona. Wichasokwa vilambo vawo, na waka wawo wichadidikwa.”

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

ISAYA 20:4

niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

JEREMIA 44:7

“Na idana Ini BWANA wa majeshi, Mlungu wa Israeli nakotia kwaki mkubonyeragha mmbeni wuwiwi ghung'ane huwu ghowimeria womi na waka, wanake na awo wiongagha andenyi ya Juda, hata msowe masighariko ghangi gha wandu?

JEREMIA 50:37

Kifwa kwa farasi na magare ghake, na kwa majeshi gha kighenyi ghiko aghadi kwawo nawo wichawuya sa waka! Kunoneka kwa mashamo ghake ghose nawo wichasokwa!

JEREMIA 51:23

Nadakutumia kwa kumtotesha mlisha na chagha chake; nadakutumia kumtotesha mlimi na wandu wake, nadakutumia kwa kuwitotesha wabonyi nguma na wabaa wawo wa majeshi.”

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

KILILO CHA JEREMIA 2:21

Wandu wa irika na waghosi weefuya achienyi, wai na wadawana weebwaghwa na chufu ni wamaiza. Kwawibwaghie kuseko na wughoma ituku kujokelo ni machu.

EZEKIELI 9:6

M'bwaghe putu waghosi, wadawana na wai, wana watini na waka; ela mseadade mndungi uko na alama chamunyi kwake; moozoia ahaeni Hekalunyi.” Niko wikazoya na waghosi aweni werekoghe Hekalunyi.

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”