JEREMIA 50:31 - Biblia Ilagho Jiboie Kwa Wandu Wose

³¹ “Ola nichalwa na oho ee Babuloni kukukasire, angu ituku jako jekabwa jameria kuvika.

JEREMIA 50:31 Խաչաձեւ Հղումներ

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 48:29

Dasikire lukaso lwa Moabu, wakukasire nandighi; kukuduka kwake na lukaso lwake, na lung'eto lwake; na uko kukujosa kwa ngolo yake.

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

JEREMIA 50:32

Mbari yako ikukasire ichakuwa na kughwa, isepate mndungi oiwusira; nani nichaikora mizi yako, na modo ghuchaimeria hata iyo mizi imarie mbai mbai yaro.”

JEREMIA 51:25

Ola nichalwa na oho ee Babuloni Mnoni kuko sa mghondi ghototesha, nagho ghwadatotesha ndoenyi kose; nichaghorua mkonu ghwapo aighu yako, nani nichakung'arisha kufuma mchombololonyi ghwa igho, nikughushe andoenyi na kukubonya sa mghondi ghukorelo.

EZEKIELI 29:3

kughambe, ini Bwana MLUNGU naghamba huwu: Ne m'maiza wako oho mzuri wa Misri, Oho choka mbaa kukaiagha aghadi ya meda yako, kukighamba, ‘Moda ghwa Naili ni ghwapo, ni ini nereghubonyereghe.’

EZEKIELI 38:3

kughamba, Ini Bwana MLUNGU naghamba huwu, Ola ne m'maiza wako ee Gogu, m'baa wa wabaa wa Mesheki na Tubali;

EZEKIELI 39:1

Bwana MLUNGU waghamba “Mwana wa mdamu, funya wulodi aighu ya Gogu, m'baa wa wabaa wa Mesheki na Tubali kughambe kukaia ini ne m'maiza wake.

EZEKIELI 5:8

Kwa huwo ini, Bwana MLUNGU nakaia m'maiza wako, nichakutanya iro mbari ra wandu rikiwona.

NAHUMU 2:13

BWANA Uo-Uwadie-Ndighi-Rose waghamba, “Ini ne m'maiza wako; nichakora magare ghako. Masikari ghako ghichabwaghwa wudenyi, nani nichawusa kula kilambo kusokie wandu wazima. Lwaka lwa wadumwa wako ndeluchaasikirika sena anduangi.”

NAHUMU 3:5

BWANA Uwadie Ndighi Rose waghamba, “Nichakukaba oho Nineve! Nichakufunukua nguwo rako na kuwonyera wuduu ghwako kwa iro mbari, na waya ghwako ghose.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”

WUFUNUO 18:8

kwa huwo makabo ghake ghichacha kwa ituku jimweri; wukongo, wasi, na njala. Nao uchakorwa na modo, angu uo Bwana Mlungu umtanyagha, wawadie ndighi nyingi.”