JEREMIA 48:28 - Biblia Ilagho Jiboie Kwa Wandu Wose

²⁸ “Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

JEREMIA 48:28 Խաչաձեւ Հղումներ

KUZOYA 8:12

Nao ukawesera matuku mfungade, ukaiduma ija mbughi sena, nayo ndeeremmburieghe anduangi.

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

JEREMIA 48:9

“Mnekenyi Moabu mawawa, upate kuburuka noko, mizi yake ichasighwa miduu isekailwagha ni mndungi.

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 49:8

Inyo wandu wa Dedani, ghalukenyi mkimbie mkuvise ndenyi; angu nichareda wuwiwi aighu ya kivalwa cha Esau; ngelo yavika niwikabe.

WATANYI 6:2

Wamidiani wikakaia na ndighi aighu ya Waisraeli, hata Waisraeli wikakubonyera weni vizimba vekaia mighondinyi, na mbangenyi, na ngome rekuvisa.

1 SAMUELI 13:6

Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.