JEREMIA 36:7 - Biblia Ilagho Jiboie Kwa Wandu Wose

⁷ Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 36:7 Խաչաձեւ Հղումներ

2 WAZURI 22:13

“Ghendenyi mumkotie BWANA kwa wundu ghwapo, na kwa wundu ghwa wandu wose wa Juda, kunughana na malagho gha ichi chuo chawonwa; angu chiawonyera BWANA oko na machu nesi mabaa loli loli, kwa kukaia weke aba ndeweresikireghe malagho gha ichi chuo, wipate kubonya sa iji chawuyaghamba aighu yedu.”

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

2 MALAGHO GHA NGELO 34:21

“Ghendenyi mkotie malagho kwa BWANA kwa wundu ghwapo, na kwa wundu ghwa wandu wisigharikie andenyi ya Israeli na andenyi ya Juda aighu ya malagho gha icho chuo chawonwa, angu BWANA oko na machu mabaa nandighi aighu yedu kwa kukaia weke aba wiseghiwadie malagho gha BWANA na kughibonya na seji ghiandikilo andenyi ya icho chuo.”

JEREMIA 1:3

Sena ukaghora nao matuku gha Jehoiakimu mwana wa Josia, mzuri wa Juda; na hata kutua kwa mwaka ghwa ikumi na imweri ghwa Zedekia, mwana wa Josia mzuri wa Juda, hata ngelo ya wandu wa Jerusalemu kudwalwa wunyika mori ghwa kasanu.

JEREMIA 16:10

“Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JEREMIA 26:3

Kewada wichasikira wighaluke na kusigha kula umu mighendo yake izamie, eri nipate kughalusa nia ewibonya kiwiwi.

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 37:20

Idana sikira nakulomba ee bwana wapo mzuri, kurumirie ilombi japo nikulombagha ngikusera imbiri kwako, kuseniwunje nyumbenyi kwa uja muandiki Jonathani nichefuya aho.”

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 42:2

wikanizera, “Dakulomba kudibonyere seji dikuzeragha, nao kumlombe BWANA Mlungu wako kwa wundu ghodu, ee kwa wundu ghwa agha masighariko ghose gha wandu (kwa kukaia isi derekoghe wengi deechasigharika watinieri seji kudiwonagha);

KILILO CHA JEREMIA 4:11

BWANA walekerie machu ghake ghose ghibirie; ukakora muzi ghwa Sioni ghukahia hata misinginyi.

EZEKIELI 12:3

Kwa wundu ugho ee mwana wa mdamu, kufunge msigo ghwako nadime wandu wikiwona, ugho msigo ghoghenda wubarishonyi; kuchafuma andu kuko, kughende andu kuzima wikiwona; kewada wadima kutambukilwa hata ngera ni wandu welegha.

EZEKIELI 13:13

“Kwa huwo ini Bwana MLUNGU naghamba huwu, Nichareda kiremba kibaa kwa lubio lwapo, na vua mbaa kwa machu ghapo na vua ya magho ichaghunona ugho wurigha kwa lubio lwapo.

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

EZEKIELI 22:20

Na sa iji koni wandu wikwanyagha feza, na shaba, na chuma, na risasi na ibamba na kuvingira iwiwinyi ja modo, na kughupuputa hata visaghe, niko koni nichaamkwanya kwa machu na kwa lubio lwapo nipate kumsaghisa.

EZEKIELI 5:13

“Huwo niko machu ghapo ghichaakatia, na kuwonyera lubio lwapo aighu yawo hata nikato; nawo wichamanya kukaia ini BWANA nadaghora na kukatisha kwa wundu ghwa iriso japo, ingelo nakatisha lubio lwapo aighu yawo.

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

JONA 3:8

Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.