JEREMIA 36:5 - Biblia Ilagho Jiboie Kwa Wandu Wose

⁵ Ngamlaghira Baruku ngighamba, “Ini namerie kughirilwa nisengie andenyi ya Hekalu ya BWANA;

JEREMIA 36:5 Խաչաձեւ Հղումներ

NEHEMIA 6:10

Ngelo sa iyo cheni nereghendieghe kummbona Shemaia mwana wa Delaia wawae Mehetabeli, uo orekurughieghe nyumbenyi kwake. Ukaghamba, “Oho na ini suti dikuvise Andu kwa Wueli Hekalunyi, kwa kukaia wichacha kukubwagha. Kio icho chose kufuma idana wichakubwagha.”

ZABURI 88:8

Kwabonyere waghenyi wapo wikanilegha, kukawibonya winiwone sa kilambo cheobolwa. Narughilwa, nani sidimagha kufuma;

JEREMIA 20:2

Niko Pashuri ukanikaba na kunifunganya na vilingo verekoghe Mbenge ya Wandu ya lughu aho Hekalunyi ya BWANA.

JEREMIA 32:12

ngarineka Baruku mwana wa Neria, wawae Mahiseia imbiri ya wamii Hanameli, na imbiri ya washahidi awo werengirieghe barua eghua sahihi, na imbiri ya Wayahudi werekoghe kidombo aho wazenyi ya walindiri.

JEREMIA 32:2

Ngelo iyo, majeshi gha mzuri wa Babuloni gherekoghe ghaghurughaia muzi ghwa Jerusalemu, na ini mlodi Jeremia nerekoghe nafungilwa andenyi ya waza ya walindiri, erekoghe andenyi ya ngome ya mzuri wa Juda.

JEREMIA 33:1

BWANA oreghorieghe nani indo ja kawi niko kifungonyi andenyi ya waza ya walindiri.

JEREMIA 37:15

Wabaa wikajokwa ni machu aighu ya Jeremia, wikamkaba na kumfunga andenyi ya nyumba ya muandiki Jonathani, angu niyo erebonyeroghe ikaie kifungo.

JEREMIA 38:28

Ngasigharika ahoeni wazenyi ya mlindiri hata ituku jija muzi ghwa Jerusalemu ghorewadiloghe.

JEREMIA 38:6

Nao wikaniwada wikanikumba andenyi ya kisima cha mwana wa mzuri Malkia, icho cherekoghe andenyi ya waza ya mlindiri; wikinisera na kamba. Ndekorekoghe na machi ghangi andenyi ya icho kisima, ela kizozo kiduu; ngangia nokondenyi aho kizozonyi.

JEREMIA 40:4

Idana zighana nakufungua ihi minyororo iko mikonunyi kwako idime. Iji kwawona nicha kughendanya nani cha Babuloni, choo tu nichakulindia; ela kukawona si nicha kughendanya na ini cha Babuloni, kuseche. Wona isanga jose jeko imbiri kwako; ghenda andu uko kose kuwonagha nicha kughenda.

2 WAKORINTHO 11:23

Awo ni wadumiki wa Kristo? Ini ni kuchumba; naghora sa mundu wa isu. Nadumikie nandighi kuchumba, ngafungwa mando malazi, ngakabwa makabo ghisetalikagha, ngelo ndazi ngikabwa kaavui na kufwa.

WAEFESO 3:1

Kwa wundu ughu, ini Paulo mfungwa wa Kristo Jesu, kwa wundu ghonyu inyo wandu wa mbari zima,

WAEFESO 6:20

kwa io, ini neko mdumwa waro, nifungilo na mnyororo; nipate kujighora kwa wuwana seji inifwanagha.

2 TIMOTHEO 2:9

Kwa wundu ghwa ijo Ilagho Jiboie, nawuyatirirwa ningirilo pingu sa m'bonyi mawiwi. Ela Ilagho ja Mlungu ndejifungwagha.

WAEBRANIA 11:36

Wazima weresekeloghe na kukabwa na viboko, hata kufungwa na minyororo, na kungirwa kifungonyi.