JEREMIA 36:2 - Biblia Ilagho Jiboie Kwa Wandu Wose

² “Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 36:2 Խաչաձեւ Հղումներ

EZRA 6:2

Ela vikaachawoneka andenyi ya muzi ghwa Ekbatana isanga ja Media. Aho niko chuo cherewonekieghe chiandikilo huwu:

AYUBU 31:35

Welee, ndekuwadie mndungi udimagha kunisikiria seji nighoragha? Naghema kukaia kula ilagho nighoragha ni ja loli. Uo-Uwadie-Ndighi-Rose ndenitumbulie. Na wei mashitakio ghiredwagha ni m'maiza wapo ghadaandikwa nighiwone,

ZABURI 40:7

Niko ngaghamba, “Ola nameria kucha sa iji koni malagho ghapo ghiandikilo andenyi ya chuo.

KUFUMA 17:14

Nao BWANA ukamzera Musa, “Kuandike agha malagho chuonyi ghikaie lukumbuso; sena kughighore madunyi kwa Joshua kukaia, nichawimeria Waamaleki putu, wisekumbuko jingi ndoenyi.”

ISAYA 8:1

Niko BWANA ukanizera, “Wada m'bau m'baa, kuandike aighu yaro mbari mbaa reshomeka nicha, ‘Ni ya Maher-shalal-hash-bazi.’”

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 1:5

“Nerekumanyireghe imbiri nisekuumbie kifunyi, na imbiri kusevalo, nerekusaghueghe; nerekuwikieghe kukaie mlodi wa iro mbari ra wandu.”

JEREMIA 1:9

Nao BWANA ukaghorua mkonu ghwake, ukaadada momu ghwapo. Ukanizera, “Ola nangira malagho ghapo momunyi kwako.

JEREMIA 2:4

Sikirenyi ilagho ja BWANA inyo kivalwa cha Jakobo, inyo nyumba rose ra wandu wa Israeli.

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 30:2

“Malagho ghose nakuzera, kughiandike chuonyi.

JEREMIA 36:14

Niko wabaa wose wikamduma Jehudi mwana wa Nethania, wawae Shelemia, na wawae m'baa Kushi, umzere Baruku, “Wada icho chuo kwachishomia wandu kuche.” Baruku ukawada icho chuo, ukaghenda kwawo.

JEREMIA 36:18

Baruku ukatumbulia, “Odeeka kinighoria malagho ghose nani ngaghiandika na wino chuonyi.”

JEREMIA 36:23

Jehudi uendashoma karatasi idadu inya huwu, mzuri ukachiwada chuo na kuchirashua na kandagha katini ukachikumba modonyi ghwa maka, hata chikahia putu chikasia.

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 36:6

kwa huwo oho kughende na kuwishomie wandu wose wikisikira, agho malagho nakughoria kukaghiandika, ingelo wiko andenyi ya Hekalu, ituku ja kufunga tumu. Wokoni kuwishomie wandu wose wa Juda wifumagha mizinyi kwawo wisikire.

JEREMIA 45:1

Mwaka ghwa kana ghwa kubonya nguma kwa Jehoiakimu mwana wa Josia mzuri wa Juda, Baruku oreandikieghe malagho neremghorieghe,

JEREMIA 51:60

Nereandikieghe andenyi ya chuo mawiwi ghose aighu ya muzi ghwa Babuloni, agho malagho ghose nereghiandikieghe aighu ya Babuloni.

EZEKIELI 2:9

Nao iji nazighana ngawona mkonu ghwaghorolwa cha kwapo, ghuwadie chuo chiandikilo.

HOSEA 8:12

Nawiandikie mafundisho ghisetalikagha; ela waawuyaghitala sa kilambo cha kighenyi.

WUKUMBUSO 31:24

Nao iji Musa wameria kuandika chuonyi malagho ghose putu gha sharia ihi,

WAEBRANIA 10:7

Niko ngaghamba, ‘Ola nameria kucha sa iji koni malagho ghapo ghiandikilo andenyi ya chuo; nipate kubonya lukundo lwako ee Mlungu.’”