JEREMIA 34:7 - Biblia Ilagho Jiboie Kwa Wandu Wose

⁷ iji ijeshi ja mzuri wa Babuloni jerekoghe jikilwa na Jerusalemu, na mizi yose ya Juda, iyo eresigharikieghe, nayo ni Lakishi na Azeka, angu iyo niyo mizi ya Juda iaghilo wurigha eresigharikieghe.

JEREMIA 34:7 Խաչաձեւ Հղումներ

2 WAZURI 14:19

Korekoghe na sheshe Jerusalemu rem'bwagha Amazia, nao ukakimbiria muzi ghwa Lakishi, ela sena wamaiza wake wikamnugha aho na kum'bwagha.

2 WAZURI 19:8

Nao uja m'baa wa majeshi gha Ashuru ukawuya, ukamkua mzuri wa Ashuru ukilwa na muzi ghwa Libna; kwa kukaia orekoghe waghorelwa angu mzuri wafumie Lakishi, niko ukamnugha Libna.

2 MALAGHO GHA NGELO 27:4

Aighu ya agho, ukaagha mizi isanga ja mighondinyi ja Juda, na ngome, na minara aighu ya mighondi iko na midi.

ISAYA 36:2

Mzuri wa Waashuru ukamduma Rabshake kufuma Lakishi kwa Mzuri Hezekia aho Jerusalemu, na ijeshi ibaa. Ukacha na kubonya kambi aho mkuonyi ghwa iyo ndiwa iko chienyi mbaa eghenda Mbuwa ya Dobi.

JEREMIA 11:12

Niko wandu wa mizi ya Juda na awo wikaiagha Jerusalemu wichaghenda kuililia milungu iyo werekoghe wikiifukiria marumba ela ndeichaadima kuwikira ngelo ya wasi ghawo.

JEREMIA 34:1

BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 4:5

Ereshenyi malagho andenyi ya Juda na Jerusalemu mkeme, “Kabenyi tarumbeta isangenyi, Kemenyi kwa lwaka mghambe, ‘Kwanyikenyi dighende cha mizinyi ya ngome.’

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

MIKA 1:13

Inyo wandu mkaiagha Lakishi, funganyenyi farasi na magare. Mwasungie kaung'a ra Israeli, mkashekeria wandu wa Jerusalemu wibonye kaung'a.

WUKUMBUSO 28:52

Wichakumaria mbai-mbai andenyi ya mizi yako yose, na mawurigha ghako ghimange ghiko ighu, agho korekusaghikagha nagho, ghichavuchulwa isangenyi kwako kose, ijo kunekwaghwa ni BWANA Mlungu wako.

JOSHUA 10:3

Kwa huwo Adonisedeki mzuri wa Jerusalemu, ukaduma kwa Hohamu mzuri wa Hebroni, na Piramu mzuri wa Jarmuthi, na Jafia mzuri wa Lakishi, na Debiri mzuri wa Egloni ukighamba,

JOSHUA 10:5

Niko wazuri wasanu wa Waamori, mzuri wa Jerusalemu, mzuri wa Hebroni, mzuri wa Jarmuthi, mzuri wa Lakishi na mzuri wa Egloni, wikakwanya majeshi ghawo, wikajoka kulwa na wandu wa Gibeoni.

JOSHUA 12:11

Jarmuthi, Lakishi,

JOSHUA 15:35

Jarmuthi, Adulamu, Soko, Azeka,

JOSHUA 15:39

Lakishi, Bozkathi, Egloni,