JEREMIA 34:1 - Biblia Ilagho Jiboie Kwa Wandu Wose

¹ BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 34:1 Խաչաձեւ Հղումներ

JEREMIA 1:15

Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 21:2

“Kukotie BWANA kwa wundu ghodu, kwa kukaia Nebukadnezari mzuri wa Babuloni waawuyabonya wuda nesi, kewada BWANA uchadibonyera mabonyo ghake gha mashiniko, upate kudiinjikia.”

JEREMIA 32:1

BWANA oreghorieghe nani mwaka ghwa ikumi ghwa kubonya nguma kwake Zedekia mzuri wa Juda, nagho ghorekoghe ni mwaka ghwa ikumi na wunyanya ghwa Nebukadnezari mzuri wa Babuloni.

JEREMIA 32:2

Ngelo iyo, majeshi gha mzuri wa Babuloni gherekoghe ghaghurughaia muzi ghwa Jerusalemu, na ini mlodi Jeremia nerekoghe nafungilwa andenyi ya waza ya walindiri, erekoghe andenyi ya ngome ya mzuri wa Juda.

JEREMIA 34:7

iji ijeshi ja mzuri wa Babuloni jerekoghe jikilwa na Jerusalemu, na mizi yose ya Juda, iyo eresigharikieghe, nayo ni Lakishi na Azeka, angu iyo niyo mizi ya Juda iaghilo wurigha eresigharikieghe.

DANIELI 4:1

Mzuri Nebukadnezari ukaduma malagho kwa wandu wose wa mbari, na viteto wikaiagha ndoenyi kose: “Sere ndeichurikie konyu!

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.