Biblia Todo Logo
Առցանց Աստվածաշունչ

- Գովազդներ -




JEREMIA 33:9 - Biblia Ilagho Jiboie Kwa Wandu Wose

9 Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

Տես գլուխը Պատճենել




JEREMIA 33:9
40 Խաչաձեւ Հղումներ  

Mawuzuri ghose gha masanga mazima wiendasikira seji BWANA ulue na wamaiza wa Israeli, wikangilwa ni kiture cha Mlungu.


Wamaiza wedu wa mbari ra wandu widimarie wiendasikira huwo, wikaobua na kufwa waya; angu werewonieghe worinyi kukaia kazi ihi edemerelwa kwa wutesia ghwa Mlungu odu.


Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.


Ela kwadadifuya wughoma, dipate kukuobua oho.


Ukanifundisha kubora lumbo luwishi, lumbo lomkasa Mlungu odu. Wandu wengi wichawona na kuobua, nawo wichamrumiria BWANA.


Wandu nerewiumbieghe kwa wundu ghwapo, eri wipate kueresha makaso ghapo.”


Wulalo ghwa minjwa kuchabuka msumbesu, na wulalo ghwa mndandangoma kuchabuka mhadasi. Ilagho iji jichakaia lukumbuso kwapo ini BWANA, na alama ya kala na kala isechaainjika jingi.”


Niko oho kuchawona na kuelwa ni ngolo, ngolo yako ichakaia na iseko na kuboilwa; kwa kukaia kucharedelwa mali nyingi kwa chia ya bahari, mali ra wandu wa iro mbari richaredwa kwako.


Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.


Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”


Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.


hata msemsighe BWANA uhore, hata wameria kuimangisha Jerusalemu, na kuibonya ikaie ekaswa ndoenyi.


seji modo ghukoragha visachi, na kughibonya machi ghichemke, sea kubonye irina jako jimanyike kwa wamaiza wako, na iro mbari ra wandu risughusike imbiri kwako.


Sa iji koni mshipi ghuwadanagha na kiwonu cha mundu, niko koni wandu wose wa Israeli na wandu wa Juda nerewibonyereghe wiwadane na ini, eri wipate kukaia wandu wapo kwa kujimanyisha irina japo, na kwa kunikasa, na kwa kunineka ishima. Ela ndewerenisikireghe anduangi.”


Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.


Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.


nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”


Agha nigho malagho gha barua nereandikieghe ini mlodi Jeremia kufuma Jerusalemu kwa waghosi weredwaloghe wunyika, na kwa wakohani, na walodi na wandu wose awo weredwaloghe wunyika ni Nebukadnezari kufuma Jerusalemu hata Babuloni.


Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.


BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.


Nichaghudisha mkohani na vindo kwa wungi, na wandu wapo wchakatwa ni wucha ghwapo, Ini BWANA naghamba.”


Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.


“Na sa iji koni nerewiredieghe wandu awa mawiwi, huwo koni nichawireia mecha ghose agho nerewilaghirieghe.


BWANA waghamba, “Olenyi matuku ghichacha, nani nichajikatisha ilaghiro nerejibonyereghe na wandu wa Israeli na wandu wa Juda.


kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”


Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?


Muzi ghumanyikie ghuchulo ni maboilo ghwasighwa-sighwa wada!


aho niko nichakusera nokondenyi chiaimweri na wandu wiseagha cha kinenyi, kuendekanya na wandu wa kala, andenyi ya wurumwengu ghwa isi, andu kunonekie kufuma kala; kuchakaianya na wafu wikaigha aho kinenyi, hata ndekuchaakailwa angu kukaia chiaimweri na wandu wiko moyo anduangi.


Nawo wichaghamba, ‘Iji isanga jeresighiloghe iduu, hoku idana jawuya sa mbuwa ya Edeni, mizi eresighiloghe maghacho, na andu koresighiloghe kuduu na kunoneka, idana kwaaghilo na kukailwa ni wandu.’


Wandu wose wa isangenyi wichawirika, nawo wichanekwa ishima kwa ijo ibonyo, ituku nichaakaia ngiwonyera wubaa ghwapo, ini Bwana MLUNGU naghamba.


Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.


Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”


“Nichabonya Jerusalemu ikaie sa kikombe cha divei. Mbari riko mbai mbai yaro wichachinywa na kutatarika sa wawongeri. Wikaghurughaia muzi ghwa Jerusalemu, mizi isigharikie ya Juda icharughailwa wori.


nao uchamreda andenyi ya isanga ijo jerekoghe ja weke ndeyo mpate kujiwusa; nao ucham'bonya mmbone nicha kuchumba, na mtalo ghwa wandu wenyu ghuchurikie kuchumba ghwa weke ndeyo.


Հետեւեք մեզ:

Գովազդներ


Գովազդներ