JEREMIA 33:7 - Biblia Ilagho Jiboie Kwa Wandu Wose

⁷ Nichawiwunjira Juda na Israeli mecha ghawo, na kuwiagha sa iji koni werekoghe imbiri.

JEREMIA 33:7 Խաչաձեւ Հղումներ

ZABURI 126:1

Iji BWANA orediwunjagha Jerusalemu, dedeeka dikiwona sa ndodo.

ZABURI 126:4

Wunja wandu widwalo wunyika wedu ee BWANA, sa mikua ya machi gha isanga ja Negebu.

ZABURI 14:7

Ima kukia kwa wandu wa Israeli ndakwachaa kufuma Sioni! Wandu wa Israeli wichaboilwa na kuzuma, ingelo BWANA uchaawiwunjira mecha ghawo.

ZABURI 85:1

BWANA kwajifue wughoma isanga jako, kukammbunjira Israeli mecha ghake.

ISAYA 1:26

Nichawika watanyi wako sa iji koni werekoghe imbiri; na wanjama wako sa iji koni werekoghe; niko kuchawangwa muzi ghwa hachi na muzi ghwa loli ee Jerusalemu.”

ISAYA 52:8

Sikira! Chwaka ra walindiri wako, wabora chiaimweri kwa kuboilwa; angu wammbona BWANA ukiwuya cha Jerusalemu, worinyi mesonyi kwawo.

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 30:18

BWANA waghamba huwu, “Olenyi nichariagha sena hema ra kivalwa cha Jakobo, na kukaia na wughoma kwa awo wikaiagha aho. Muzi ghwa Jerusalemu ghuchaaghwa aeni ghorekoghe, na ngome ya mzuri ichakaia aeni erekoghe.

JEREMIA 30:20

Wana wawo wichakaia sa matuku gha kala, na izungu jawo jichawoneka imbiri kwapo; na awo wose wiwikorongagha nichawikaba.

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

JEREMIA 31:38

BWANA waghamba, “Ola matuku ghichacha, na muzi ghwa Jerusalemu ghuchaaghwa sena kwa wundu ghwapo; kufuma Mnara ghwa Hananeli hata Mbenge ya Mbembe.

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

JEREMIA 32:44

Mbuwa richaghulwa kwa pesa, na barua reghua richangirwa sahihi, naro richakabwa muhuri na kushuhudilwa andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, na mizi ya isanga ja mighondinyi, andenyi ya mizi ya Shefela, na mizi ya Negebu; kwa kukaia nichawiwunja sena isangenyi kwawo, ini BWANA naghamba.”

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

KILILO CHA JEREMIA 4:22

Ikabo ja Sioni kwa wundu ghwa kaung'a rake jamerie kukata; BWANA ndechaammbika wubarishonyi sena. Ela BWANA uchakukaba oho Edomu. Na kufunukua wuwiwi ghwa mabonyo ghako worinyi.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

ZEFANIA 3:20

Ngelo iyo nichawiwunja mzinyi awo weresaghisiroghe; nicham'bonya mmboneke wa ishima wurumwengunyi kose, nicham'bonya mkaie nicha sena.” Ini BWANA naghamba.

ZEKARIA 1:17

Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”